اختي تزوجت وهي عمرها 18 سنه بس سبحان الله تزوجت واحد سكران وحملت منه علئ طول بس موريها نجوم الليل وضابره علشان ولدها ومجوعها ياعمري حياتها ترحم وبعد ماتطلقت وتوها مخلصه من العده تزوجت واحد عمره 40 سنه متزوج وعنده 7 عيال ووافقت لانه قبل شرطها ان ولدها يعيش معها وطلع الزوج هذا نصاب ومحتال وكذاب بس خساره ماكشفته الا يوم جاب ولد منه محسرها مره كان اول يكذب ويقول احبك ومدري ايش ومسوي فيها يوم مل منها محسرها مره وهي صابره تقول وش اسوي اتطلق مره ثانيه صبرت يوم صار عمر الولد اللي جايبته منه 5 سنين حملت وجابت بنت ولايصرف عليها بالحسره محسره اما بالنسبه لولدها الي من الزوج الاول محسره مره مسكين يعور قلوبنا يطقها اذا طق اخوه ولو بالمزح واذا اختي تهاوشت معه حط حريته بالولدها يقهرها وحتئ لو وقف لبقاله شرئ لولده عصير وا اي شي مايشتري لولدها الي من الزوج الاول بس يبي يقهر الولد الولد تعقد مسكين قبل اسبوعين خذ سيكل ولده علشان يزينه وقاله ولدها الثاني الي من الاول وانا خذ سيكل زينه راح سفهه ومشئ الولد قام يبكي ويصيح تحسر الولد مسكين الولد الحين عمره 10 سنين رغم اول ماتزوجت الثاني عمره كان 3 سنين بس حاط دوبه بالولد هذا وبالنسبه لزوج اختي هذا الثاني الحين ماعاد يعطيها مصروف بالمره وهو مراعق في الخمسين دايم يسافر البحرين ويحط فلوسه بالسربته ولحريم والمدشره الين اختي قال خلاص طفح الكيل والحين لها اسبوع رمت عليه البنت وولدها عليه ماعاد صبرت اختي منه والولد الي من زوجها الاول خذته معها علشانه مو ولده ورغم عمر البنت الحين سنه ورمتها وقلبها مقطع عليها تقول البنت مدري كيف رميتها توها صغير يعني اختي ماتوفقت لا في الاول ولا في الثاني

السلام عليكم
هذي قصه وحده من جماعتنا اعرفها زين
هي بنت من عايله محترمه وملتزمه جدا حتى ان اغلب اخوانها واخواتها دعاه.. بس هي كانت دلوعه امها وساكنه بعيد عنهم
وبعدين لما تزوجت زوجها الاول كان تارك لها الحبل على الغارب وما يحاسبها على اي شي ومهملها تماما
وهو كان عايش حياه المكالمات والعلاقات اشكال الوان هي ما كان هامها وكانت عايشه حياتها طول بعرض حتى انها كانت تكشف
وجهها وتروح مع صديقاتها اسواق وكافيهات وكانت جميله جدا وكان لها تجاوزات حتى بالصلاه الى ان جاء اليوم الي تابت فيه وحاولت تصلح زوجها بس كان خلاص واصل مرحله صعب يعقل فيها
حاولت معاه سنه ونص انه يبطل الخيانه والعلاقات ويصلي بس ما فيه فايده الى ان طلبت الطلاق واصرت عليه
وحصل بسبب طلبها مشاكل كبيره بين العايلتين والناس ظلموها بكلامهم لكنها اصرت على الطلاق ووصل الموضوع المحكمه وبالاخير طلقها بعد ما تنازلت عن حضانه ولدها.. وهي جلست تصلي وتقوم الليل شكر لله انه فكها منه وتطلب الله يعوضها

الى ان جاء الخاطب اللي فرح فيه الجميع وقالوا هذا هو اللي راح يعوضها ويكون خير زوج لها كان ملتزم جدا وامام مسجد وفيه علامات الصلاح والخير طبعا متزوج ويبيها الثانيه
هي انبسطت منه واخوانها مره اعجبوا فيه وفي اخلاقه
وبعد زواجها منه اكتشفت المصيبه الاخ في الله ضعيف شخصيه جدا وسلبي لابعد حد ويخاف من زوجته الاولى وتزوجها حتى يثبت لاصحابه والناس انه سي السيد
سكنها بالاول بسكن مستقل حسب شرطها لكن بعدين اخلف كلامه وتعلل بالمصاريف وان ماعنده هي قالت ماعليه ولااعترضت وسكنها مع الاولى اللي بهذلتها هي وعيالها
بالازعاج وطوله اللسان وقله الادب والمشاكل اليوميه
وبيوم قالها روحي لاهلك زياره قالت طيب ولما راحت نزل سلم على اخوها وعطاه ورقه طلاقها بكل هدوء.. نزل عليهم الخبر زي الصاعقه وهي انهارت تماما لانها كانت تحبه ومعجبه فيه وراضيه بعيوبه لكن رضينا بالهم والهم مارضي بينا
المسكينه صارت الليل بالنهار عايشه لله ورضاه بس بين صوم وصلاه كان يخطبها ناس كثير بحكم مركز عايلتهم الاجتماعي ومكانتهم بس كانت ما تبي الزواج ابد ولا تبي طاريه..
وبيوم تقدم لها واحد اعزب واصغر منها... طبعا رفضته لكن رجع وخطبها ورفضته والمره الاخيره جاء خطبها وجاب امه وخالاته وعماته واخواته واعتقد جاراتهم بعد علشان يقنعوها وبالفعل وافقت وتم الزواج وهي الحين جدا جدا سعيده معاه ماشاء الله لاقوه الا بالله واهله يموتون فيها.. ادعولها بالذريه الصالحه يابنات
والله يعوض كل مطلقه ويرزقها بالرجل الصالح اللي تتمناه

الله يجزاكم الف خير يابنات حواء والحمدلله على كل حال ربي سبحانه مايخلي احد


ومهما ضاقت تنفرج سبحانك ربي مااكرمك سبحانك ربي مااعظمك


اللهم لك الحمد والشكر كما ينبغي لجلال وجهك وعظيم سلطانك

تسلمين يالغلا على الطرح الأكثر من راااااااااااااااااائع
تكفون اتحفونا بتجاربكم التي اسأل المولى لكم التوفيق والحياة السعيدة

ماشالله القصص كثيره
وحده اعرفها ترملت وعندها ثلاث اطفال
وتزوجت شاب ماعنده اطفال وماشالله عاشت بسعاده وجاهم اطفال الحين هم شيبان
هذه القصه ببالي الحين اذا تذكرت رجعت