اللي تطمن قلبي والله راح ادعيلها بهالايام المباركة

السلام عليكم خواتي.. باختصار شديد وارجو من المشرفات ان مايحذفون مشاركتي مثل اخر مره جزاكم الله خير ترى انا جد تعبانه نفسيا

انا متزوجه من سنه وثلاث شهور والحين حامل بالشهر الثامن مشكلتي هي:

سلفتي وايد مأثره على نفسيتي واكثر المشاكل اللي تصير بيني وبين زوجي بسببها
خلوني اعرفكم عليها : اهيه من سني بس متزوجه اصغيره عندها 3 عيال وماشاء الله شكلها مو بسن 25 لا كانها 29 وان شكلي ماشاءالله كاني 20 اهيه صوتها وايد وايد عالي وفي وانا هاديه يالله انهم يسمعون مني كلمه اهيه ماتحط شي بوجهها انا حتى في وقت جمعتنا احط مكياج خفيييييييف. اهيه اطول مني واعرض انا لا الحمدلله انعم .لما البس تركز على لبسي تشوف طرسقة كلامي تحاول تكون الاحسن وايد تلزق بزوجها كانهم يعني توهم متزوجين حتى مره قاعده تدلك ظهره جدامي وجدام زوجي
وزوجها مستانس تخيلو ومجابلينا . بعدين على ضحك قال زوجها شوف يافلان (عن زوجي) يدلكوني اهوه قالها عن ضحك والاخت متشققه من الوناسه جان اقول على شحك بعد وببراءه : حتى احنا نسوي جذيه بس داخل واحط اعيوني على شقتنا وبعدين ضحك زوجها واهيه لا طبعا خخخخخخخخخخ

الحمدلله كل اهل زوجي يحبوني وانا دخلت عليهم وانا صافيه القلب وعادي اسولف معاها بس صارت بيني وبينها مواقف خلتني ما ارتاح لها اكفايا لما اقعد معاها احس بينا حاجز كبير. انا عارفه راح تقولون شنواهيه المواقف بس اخاف انا موضوعي ينحذف واكون متعبه نفسي بالكتابه على ماكو شي:(


ياربي الحمدلله احس وايد ناس تحبني حتى من اهله اسولف معاهم واضحك بس اهيه تكون واااايد زينه لما يكون زوجها موجود تضحك بالهبل(استغفر الله) وتسولف مع الكل وانا نادرا تسولف معاي طبعا !! حتى ان عمي ابو زوجي توه متزوج لان ام زوجي متوفيه . وايد سلفتي خذت عليها ومرة قاعده تسأل زوجي عن مسطلح كلمه ما عرف بعدين اسألت عمي بعدين زوجته وانا ولا كأني موجوده!!

الكل قالي عامليها بطيب هالطريقه فادتني ان ضميري صار مرتاح اني ما اكون منافقه مثلها بغياب زوجها تزف اليهال ولما يكون موجود تدلعهم وتخفف نهم الزف وتضحك!!

حتى لو سوت طبق ااقولها تسلم ايدج مع ان كلهم مايقولونلها هالكلمه. ومره جابت لقيمات من امها قعدت امدحه لان فعلا حلو وقلتلها عاد توني بدق عليج بالتلفون علشان تجيبين لقيمات من امج والكل قام ياخذ صحن امها من صوب واهيه استانست( قومت سوقها)

اكره شي عندي لما تخلي روحها تحبني وانا مو موجوده لما اكون بالشقه وتسأل :arb: وين فلانه نايمه؟ واهوه مسكين مصدق انها تحبني ويقول شفتي اشلون تسأل عنج ؟ قلتله شنو انت حاط في مخك اني انا مو سنعه واهيه كل السنع بعدين يتنرفز اشويه. واذا مثلا عندنا مناسبه دايما تسال بتروحين؟ واذا كنت داخل الشقه وشافت زوجي تقول وين فلانه؟ بتروح اليوم ولا لا يعني شنو الغرض انها تعرف!!

حتى السلام ماترد الا كم مره لما يكونون موجودين واليوم قلتلها السلام جان تقول هلا بدون تعابير وجه الحمدلله والشكر

ما ادري يحقلي خواتي اني اتضايق ولا انا مزودتها اشويه:icon33: