اللي تعالجت بالتنشيط كذا مرة وحملت........تدخل(تفيد وتستفيد)!

من وين ابتدي..الملف مليان لا بيفيض (الحمد للة على كل حال )انا باخلي هالبلاوي هالشهر وبجرب وصفة شعبية ..ماراح اخسر شي

أهلا جنان بس بغيت أسألك كم مرة تعالجتي،،،،،،،؟؟؟
حبيبتي لاتيأسين أبداً وشنسوي ماباليد حيلة ياما أكلنا وأكلنا بس ماحصل حمل قدر الله وماشاء فعل،،،،بس ياليت يشاركونا اللي تعالجوا وحملوا علشان مانيأس ونأمل إن شاء الله إنا نحمل بعد معاناة طويلة مع المنشطات...

انا قاعده اتعالج من اربع سنين يعني كل شهر وماحصل حمل الحمد لله على كل حال

سلام عليكم .. شلونكم بنات شعلومكم ..

انا تعالجت بالكلوميد لكن ليلحين ولا مرة خذيت أبر .. بس من الدورة هذي لمن تنزل باخذ كلوميد وقالت لي الدكتورة بتعطيني ابره .. ابي اسألكم شنو هاي الابره منشطه والا ابر تفجيريه ؟؟ ولازم بعد ناخذ اببر منشطه والا ع طول تفجيريه؟؟ لانها قالت لي اخذ موعد في يوم 12 من الدورة وبتعطيني الابره ؟؟ انزين هالابره تألم والا شلون؟؟ ووين تغزها في اليد ؟؟ والا عند المبايض؟؟ والله مادري بشي .. مسامحه واايد اسئلتي بس شسوي :(

الله كريم وان شالله الله يرزقنا الذريه الصالحه عاجلا غير آجل

أهلين شغف أسأل الله أن يرزقك الذرية عاجلا غير آجل وإن شاءالله تكون هالمرة آخر مرة في العلاج وتصيرين حامل.
سما البحرين:أهلا وسهلا أختي وعادي خذي راحتك بالأسئلة اللي تمر بمثل ظروفنا تكون أسئلتها واجد الله يعينا.المهم جواب أسئلتك حبيبتي كالآتي:بالنسبة للإبر المنشطة ماهو لازم إن كل مريضة تاخذها مع الكلوميد لأنه أحيانا الكلوميد يوصل البويضة للحجم المطلوب وهو بين 18 -20 فالدكتورة تعطيك موعد وتقيس البويضات عن طريق السونار المهبلي وتشوف حجمها فإذا كان الأمر يستدعي عطتك إبرة ولكن أحيانا الدكتور إذا تعالجت عنده المريضة مرتين بالكلوميد بدأ معها بالإبر على طول ..........والإبرة التفجيرية هذي تساعد على نزول البويضة إذا وصلت للحجم الطبيعي والدكتور يعطيها للمريضة أسرع للعلاج وبالنسبة للألم أبداً ماتحسين بشئ مجرد إبرة عادية,,وتكون تحت الورك بشوي...أتمنى إني أكون وصلت المعلومات بشكل واضح إعذريني حبيبتي ....وعلمينا عن آخر التطورات..