اسفه على الاتاخير بالرد بس اليوم فتحت النت وعلى طول دخلت الموضوع

بحكي لكم تجربتي بالتفصيل

وصلت يوم السبت الموعد مفروض 7 ونص بس للاسف مره زحمه الشوارع (طلاب جامعه + موظفين) وصلت تقريبا 8 ونص وعلى طول على الغرفه دخلت لقيت 2 من البنات ولما عرفت عن اسمي على طول قالت لي الممرضه ( اجنبيه وشعرها قصير كيرلي تقريبا) بسرعه انت اول وحده :)
انا بغى يغمى علي يوم قالت اني اول وحده تقول الدكتور طالب الظاهر على حسب الاشعه الاخيره يمكن ؟؟
المهم اعطتني ملابس وكيس وغطاء للراس و رحت لدوره المياه اغير وطبعا ما ننسى التحميله (تكرمون)... من الروعه ما ودي اني طلعت :)
لبست ودخلت ما يجب ادخاله :) :) وطلعت جلست على سريري وتاكدت من اسمي ولبستني شريط على يدي ودخلت ابره المغذي الحمد لله ما تعبتني مره واخذت الحراره وركبت جهاز الظغط والنبض وعلى طول قالوا لي يله دورك قومي انا من الروعه قلت ابي الحمام ضحكت الممرضه (( توني طالعه )) من الروعه تعرفون وقمت وشلت المغذي معي وبعد دوره المياه(الله يكرمكم) دخلت غرفه العمليات تدخلين تمشين وحافيه ..
** على فكره لازم تفرغين المثانه قبل العمليه **

==== خلصنا من مرحله ودخلت غرفه العمليات

جلست على السرير وكان في الغرفه 3 ممرضات وحده اسمها تهاني دايم اشوفها في الاستقبال بس ما حبيتها الا امس :) ووحده فلبينيه ووحده مدري من دخلت لابسه كمامه بس شفت نظارتها :) وعلى يمين السرير شباك كبير مفتوح على المختبر

بعد ما جلست على السرير عرفتني تهاني على الي بالغرفه قالت انا تهاني وهذي الكا ووحده مدري وش اسمها احنا بنكون معاك والدكتور احمد الصانع هو الي بيسحب لك اليوم ( الحمد لله )

ركبت لي جهاز النبض على الاصبع و لبسوني غطاء للرجل ونظفوا المنطقه والي بالمختبر تطلب منك تقولين اسمك رباعي بصوت عالي الظاهر يسجلون الصوت وبعدين تعيده وبعدها الممرضه الي معك في الغرفه تعيده بعد حريصين ما شاء الله

ودقوا على الدكتور قال 5 دقايق وجاي اعطتني ابره المخدر شوي ونمت او اغمى على المهم مدري وش صار اول مره احس كذا ما حسيت بشي ولا بدخله الدكتور ولا شي اللهم اخر شي صحيت وقلت اي قال لي الدكتور خلاص بس باقي اثنين :o انا خفت قلت بسم الله متى دخل :)

وطلعت طبعا يجيبون السرير لحد الغرفه وتنتقلين من سرير العمليات للثاني


لما طلعت البنات برى يقولون ان الدكتور اول ما دخل يكلمك بس انا ما اذكر شي ابد ودي اسال تهاني انا كنت ارد عليه :)

الممرضه ام شعر شوشه :) جابت لي وجبه لازم اكلها ولو شوي لا تنسون صايمه من امس من الساعه 12 ولازم اكل شي يتاكدون ان كل شي اوكي

وبعدها تلبسين وتتوكلين وتدقين بعد يومين تتاكدين من تكون اجنه (( الله كريم ))


الخلاصه من رابع تجربه ..جعلها الخيره واشوف ولدي بحضني يارب

الحمد لله الالم خفيف واول يوم فيه دم مره خفيف واليوم الي بعده لا الحمد لله ويختلف على حسب عدد البويضات وحجمهم بس صدقوني اهم شي الراحه النفسيه توكلي على ربك وغمضي وخليك ريلاكس وربك يعين ولو حسيتي بالم قولي لا هذا خفيف اكيد فيه اقوى وبتخلص العمليه وانت تستنين الاقوى

ونسبه المخدر تختلف من بنت للثانيه على حسب عدد البويضات وحجمها برضوا فلا تخافون وتقولون بس بنج موضعي هم يعرفون الكميه الي تحتاجينها ويتحملها جسمك

الله لا يحرمنا الاجر ويذوقنا حراره الطلق والولاده الي تنسينا عمليه السحب والترجيع ..امين يارب


اي سؤال انا حاضره

نيموو مومشكله التأخير على الاقل انتي قلتي لنا تجربتك..

وان شاء الله يبارك في البويضات اللي سحبوها منك..

وريحتيني يوم قلتي ماحسيتي بشي وقت السحب...


الله يرزقنااااااااا..

نيمووووو

نفس طريقتى بضبط ميه بالميه


الدووور يكون على حسب ااابرة التفجيريه اذا اخذتيها 9باللبل يدخلونك غرفة السحب 9 الصباح

همس النسيم انت وين وصلتي في العلاج

بنات انا لي من الترجيع 6يوم بس معي افرازت لونه ابيض بس شويه موكثيره

في احد مثلي


وصدري احس تقييييل مره بس من امس مادري وش السالغه


ايه نسيت اقولكم

عندي الورك من كثر الابر تورم وصار لونه ازرق مادري وش قصتى ...............