الله يعوضنا خير جميعا ويرزقنا يارب

هلا حبيباتي


مشكورين على ردودكم ودعاويكم :)

اختي كريمه بالشوكولا تصدقين حتى انا كان عندي احساس مره قوي اني حامل بس سبحانه الله قد تكون خيره والحمد لله على كل حال


وبالنسبه لنوع الاجنه الحمد لله كانت من النوع الممتاز بس سبحان الله ما ادري ليه ما تثبت ؟؟

تصدقين قبل ما ابدا الكورس سالت د. سعد الحسن قلتله ايش اقدر اسوي علشان يثبت قام وفتح الملف وشوي وابتسم قال ربك الي يسوي مو انت
اولا العمر مناسب (عمري طبعا )
الوزن الحمد لله كويس
الاجنه ممتازه ؟؟
قال هذي الثلاث امور هي الي تاثر ونقدر نتحكم فيها علشان العمليه تنجح بس انت كل العمليات الثلاث السابقه نفس الشي ليش ما يثبت ؟؟؟ هذا بعلم الغيب


تصدقين هذا اكثر شي متعبني ليه ما ثبت طيب ولو شهر او شهرين ؟؟ على طول سلبي ؟؟

اخر شي قال فيه اختبار القصد منه معرفه عدم الثبات يعني هل هو ما يثبت لما يدخل للرحم او انه سبحان الله يوقف انقسامه ويموت ؟؟ ما ادري ولا التخصصي يدرون لان ما عندهم خذا الاختبار وهو نوع من المتابعه الدقيقه اعتقد




المهم حبيبتي انتي خليك ريلاكس وارتاحي و الاعراض الي حسيت فيها نفس الاعراض الي قبل بس الفرق الي خلاني احس انه حمل ان صدري ثقل طول المده وهو ثقيل يعني من بعد الترجيع بيومين لحد يوم التحليل وهو ثقيل

شوفي انا سالت بنات كثار ومنهم الي سووا معاي العمليه سواء هالمره او قبل الاعراض ما تفرق عن اعراض الدوره كثير اهم شي لا تشدين اعصابك والله يرزقك ويرزقني ويرزق كل المحرومين ....امين


تصدقون قبل تقريبا 5 شهور رحت لحرمه تمرخ وقال لي فيك ميلان و لازم تمريج بكاسات هواء و سوته لي شهر واحد بس لان بعدها تلخبطت الدوره وقعدت تقريبا 15 يوم معي دم ولما رحت للدكتوره قالت فيه شي غريب البويضه انفتحت داخل المبيض ؟؟ والله مدري وش السالفه
كلمت الي دهنتني وخافت قالت الشهر الجاي تعالي وطبعا ما رحت لها هي حرمه كبيره ومعروفه وتعرف كذا وحده من الاهل علشان كذا ما قلت لها اني اعالج في مستشفى ما ودي يوصل الخبر لاحد
ودقيت على وحده اسمها ام يوسف برضوا تمرخ وقلت لها اني اعالج والمشكله بزوجي وسبق ودهنت وقالوا لي فيك ميلان وودي تدهنيني قالت يعني زوجك يعالج وبحتحميلن طبيعي قلت لها لا صعبه وضعه صعب شوي ولازم عمليه ضحكت وقالت اصلا اذا عمليه هم يدخلونه داخل الرحم مايل والا مستقيم خلاص هم بيدخلونه لجواه الرحم فلا تلعبين بنفسك ؟؟؟؟؟؟

شرايكم ؟؟؟

أللة يعوضك يا نيموو 0 ويرزقنا وكل محروم يا رب

اختي نيمو والله اعلم اني شفتك يوم الاربعاء الي اخذتي فيه الخبر انا كان عندي ترجيع وبشروا ثنتين ماشالله الله يباركلهم ويتمملهم يارررب
الله يعوضك خير ياررررررررررررررررررررررررررب ويصبرك ويبرد قلبك ويهون عليكي ويرزقك انتي واخواتي جميعا بالقريب العاجل يارررب ياحي ياقيوم

الله يعوضك يارررب ولا يحرمهم لأحد

أخت نيمووووووووا الله يجيرك في مصيبتك ويخلف لك خير منها وبإذن الله تحملي طبيعي بدون أدويه ولا شيء الله يغنيك بفضله وكرمه عن من سواه والله يفرجها لي ولك ولكل محروم الله رحيم بعباده وبإذن الله بيكرمنا عن قرررريب .
بالنسبه للتمريخ بالله فيه وحده من الحريم الي يمرخون ما تقول الرحم مائل هذا التشخيص الي عندهم وهذا هي الكلمه الي تنقال على طول يابنيتي رحمك مائل والله ما تحملي هو كذا الحين أرده لك وأرجعه في مكانه وتقعد تعجن في هالبطن وتفرص وتطلع روحك وتقول هالحين مكانه والشهر الجاي بتحمليتي أن شاءالله مدري هالحريم بعضهم ضحك في ضحك و بعضهم اللله يريد أنهم يكونون سبب لناس ويحملون بعد التمريخ فما نقول غير يالله يا كريم أنك تيسر لنا أسباب الخير والبركه وترزقنا من فضلك ولا تحرمنا .
أشوف كلام الحرمه الثانيه صح طالما لازم عمليه ليش تعلبي في نفسك شيء أكيد أنهم راح يضعوا الإجنه داخل الرحم فليش اللعب في نفسك والله يسهل عليك ويرزقني وإياك بذرية صالحة طيبه عاجلاً غير آجل .