اهلا بنات كيفكم انا بنضم للقائمة وفي انتظار الفرج من الله
في البداية خلوني اقول لكم رحلة العجائب الى الرياض.. هذي الرحله العجيبه كلها مصاعب واحداث من اولها لاخرها
في البداية وصلنا مطارالرياض بسلام والحمدلله على حظنا انه صادف وصول ولي العهد وفي نفس الوقت ومن طلعنا من المطار الدنيا زحممه والشوارع مقفله واحنا ننتظر وقلت في قلبي هذي البداية الله يسهل الباقي والحمدلله عدت على خير وانفتحت الطرق...
يجيكم الباقي .. صحينا صبح السبت وانطلقنا للمستشفى مع الصباح الباكر مع ان موعدنا في الظهر لكن هم طلبو عينه من الزوج مع العلم ان هذا ثاني موعد لنا المهم وصلنا واعطيناهم العينه وقالو تعالو الساعة 11 يعني بعد ساعتين قلنا خير ان شاء الله ورجعنا للسكن ... الساعة 11 صرنا في المستشفى مره ثانيه اول ماوصلنا قالت الممرضه الدكتور سعد يقول ماراح يستفيد اليوم من اللقاء فيكم لازم الزوج يكون اخذ موعد مع عيادة المسالك ارجعو افتحو ملف واخذو موعد ورجعنا لمركز قبول المرضى نفتح ملف قالو انتظرو نص ساعه وبعد النص ساعه زي الفلم الهندي من مكان لمكان كل واحد يقول روحو عند فلان واذا رحنا عند فلان يقول لا ارجعو لعلان وهكذا خلصت ساعه ونص واحنا ماغير ندور بين المباني قسم بالله هلكنا واحنا رايحين جايين في الاخير رجعنا العيادة بعد المرمطه والحوسه وكانت الساعة 1 ولما قلنا خلاص انتهينا بس ناخذ موعد الا يقولون الي تعطي المواعيد تجي الساعة 2 :eek: تخيلوو بعد نجلس زياده خلااااص تعبنا المهم الممرضه حست اننا تعبنا قالت خذو الرقم واتصلو بعد ساعة وزياده قلنا خلاص انتهينا على خير ومادرينا ان هذي البداية ...
وصلنا للسكن وارتحنا وبعد اكثر من ساعه اتصل على المواعيد يقولون للحين ماوصلت كلمو بعد ساعه :angry2: ياربي الى متى بننتظر وكان باقي على رحله العوده ساعتين ولازم نطلع للمطار المهم كلمنا بعد ساعه واخيرا ردت واخذت موعد وطلعنا للمطار وفي المطار تبدأ المعاناة ...
جاي موعد الرحله وركبنا بسلام وطارت الطياره وكانت الرحله متعببببه انواع المطبات الهوائية والاهتزازات وانا احس في قلبي ان بيصير شيء وكانو ورانا شباب طول الرحله ضحك ونكت اطالعهم واقول اشوف بعد شوي ايش بيصير فيكم >> مرره كنت حاسه بيصير بهالطياره شيء.. وبعد ساعه اشوف انوار مدينة الدمام واقول الحمدلله وصلنا بسلام المهم الطياره كانت تهتز وهي تنزل وبعد شوي اطالع اختفت الانوار ايش السالفة بديت اخاف وشوي الا الطياره تبدا بالانطلاق الى اعلى حسيت ان الطيار تعدى المطار قلت وين بيودينا الله يستر المهم شوي الا ويعلن الكابتن ان الطياره ماقدرت تنزل بسبب الاحوال الجوية السيئة وانها الحين متوجهه لمطار الرياض مره اخرى :o ياربيييييي حسيت اني في فلم من جد والناس بدو يعلقون والي خايف والشباب الي ورا بدون ينكتون ويقولون اول مانوصل المطار ناخذ تاكسي ونرجع شكلهم ماراح ينتظرون ولا دقيقه..
المهم انا خلاص قلت يارب سهل والحمدلله على سلامتنا.. وبعد ساعه عدنا لمطار الرياض مرة اخرى كانت الساعة 8 مع ان وصولنا للدمام كان 7 المهم نزلنا المطار واعطونا تذاكر جديده وقالو انتظروا لما يعلنون عن رحلتكم الجايه ومن هنا بدت المعاناة الحقيقة مانعرف متى بنرجع ولا كم ساعه بنجلس .. جلسنا ننتظر تعشينا سولفنا تمشينا مابقى احد ماسالناه عن الرحله كلهم يقولون مانعرف المهم كنا تعبانيييييييييين على الآخر وبنفس الوقت ننتظر الاعلان عن الرحله وكان في رحلتين قبلنا موعدهم على 1 قلت اكيد احنا بعدهم المهم زوجي راح نام وانا استلمت المهمة الى الساعه 1 وانا مااعرف متى الرحله اخر شيء قالي واحد انها بتكون على ال 2 :22: تخيلو انتظار من 8 الى 2 بالليل ...
المهم رحت ادور حته انام فيها خلاااااااص ماعاد فيني قوه والمشكله انا وزوجي نايمين طيب مين بيقول لنا اذا اعلنو عن الرحله وصرت قلقه كل شوي اوقت الجوال واقوم اشوف ايش اخر الاخبار وارجع انام<<< خخخخ متخيلين شكلي :p خبركم الرجال اذا نام ماحس عن الدنا بس احنا لا..
كنت انام واقوم 2 والا المفاجأه ان الرحله 3 وثلث يااارب صبرني بعد في انتظار قلت خلاص مافي الا انااااااااااام الى 3 ونمت في مكان الله لا يوريكم للحين جسمي يعورني بس الشكوى لله الله لايحطكم بهالموقف ..
وانا نايمه ماحسيت الا زوجي يصحيني يقول يالله الرحله الحين كانت الساعه 3 وانطلقنا للطياره وسط اجواء باارده وامطار وطارت الطياره باقصى سرعتها << حسيت كان الطيار قرفان من الوضع خخخ
ووصلنا بسلام اقل من ساعه ماادري كيف..
للحين ماانتهت المعاناه..
المهم وصلت بيتي على الفجر وراح زوجي يصلي دخلت الشقه وانا ادور الفراش الا الغرفه مقفله والمفتاح موعندي ياااااااارب للحين ماخلصت هالقصه قلت مافي الا الكنب انام عليه وبعد ساعتين عندي دوام المهم نمت ووقت الجوال بعد ساعه تقريبا ..
وفجاه صحيت من النوم لقيت نفسي متاخره نصف ساعه طلع توقيتي مساءا والمفروض صباحا تخيلو وبسرعه بسرعه ابدل واصحي زوجي والاخ في ساااااااااااابع نومه وموراضي يوصلني يقول نامي مو لازم دوام ولما يئست قلت الدعوه خربانه مافي الا اروح مشي :p
تخيلو شكلي الدنيا غرقانه من المطر وانا امشي بهالشوارع والدوام كان قريب يمكن 10 د قايق مشي وماوصلت الا انا متبلله اطراف ملابسي والحمدلله وصلت بالسلامة بعد معاناه دامت 24 ساعه
اول مرره في حياتي والله لايعيدها علي..
كل هذا طبعا عشان ضمة طفل... الله يكتب لنا الاجر
واخر شيء اقول يااارب ترزقني وترزق كل اخت لي متاخره ولا تحرمنا...
وآسفه على الاطالة..

ضوء نجمه عن الحمد لله على السلامه وش هالمعاناه الله يعوض هالتعب وتفرحي بشوفة طفلك بين يدك سليم معافى .
أنا أحب حياتي : وش أخبارك كيف السحب لا تنسي تكتبي لنا مرحلة السحب بالتفصيل وعقبال الترجيع وبإذن الله تنجح العمليه
كريمه بالشكولاته : الله يجزاءك كل خير على الشرح ترى في أنتظار الحلقة الثانيه بس عاد لا تتأخري علينا .
ياليت أحد يخبرني في الموعد الثاني وش يسون بالضبط

بنات انا اليوم 11 من الترجيع حللت في البيت طلع خط واحد وطبعا وانا من امس بطني يوجعني الام الدوره واليوم نزلت علي افرازات بنيه وشوي خيوط دم فاتحه صراحه ماادري خلاص افقد الأمل والا استنى المشكله الدكتور معطيني موعد التحليل في اليوم ال17 من الترجيع ماادري ليش؟؟؟يمكن عشان موعد الدوره؟؟؟؟
وشرايكم بنات هل الحمل يبان في اليوم ال11 والا لأ ماادري كيف اتصرف اليوم ضاق صدري قلت خلاص بوقف الابر لأني تعبت حتى زوجي ماقلت له...ادعولي

ندووا كملي هانت راح الكثير ما بقي غير القليل وبإذن الله خير لا تحكمي على الألم الي مثل الدوره مو كل وحده تحمل تقول تحسي بالم مثل الدوره بإذن الله تعالى تنجح العمليه ويرزقك بطفل سليم معافى خلي عندك أمل لآخر لحظه لا تستعجلي بالتحليل وبإذن الله خيررررررررررررر

صباح الورد يابنات شكرا شكرا جزيلا كتير كتييير لكل الي سأل عني انا الحمد لله دحين طيبة ولله الحمد اليوم كان السحب كنت انا اول وحدة لبست لبس العمليات ورحت على السرير وجاتني ممرضة اظن امريكية حبوبة بس الله يسامحها عذبتني بأبرة المغذي والله اصرخ اقولها خرجيها وهيا تدف فيها لحد ماعوجتها في يدي بعدين جات الفلبينية خرجتها ودخلتها بيدي التانية والله ولا حسيت بيها والمهم سألوني عندك حساسية ربو اي مرض المهم قلت لا وجلست ووحدة ربي يرزقها معايا اعطتني ورقة فيها دعاء قريتو بس قالو يالله دورك مادري ايش صابني بس دخلت الغرفة المضلمة وانفلت عليا بكى واقول للسسترات السورية ووحدة امريكية بكدش ووحدة تالتة بالله عليكم غطوني مزبوط وستروني طبعا محد فاهمني غير السورية المهم عطوني وعقموني وانا مازلت بابكي بكى بس فتح الشباك دكتور وسألني اسمي من الخوف قعد افكر شوية ههههه بس شوية وجا الدكتور سعد الحسن وزاد البكى المهم سمى وبدأ وانا اقلهم الله يخليكم زيدو المخدر ومحد يرد عليا بس زاد البكى لدرجة النياحة والله مادري اشبي مني عارفة امسك نفسي سرت اقول للدكتور ترا انا حاسة اني مني مرتاحة حاسة بضغط وشد وايغة اعملية تنجح الله يخليك ابغة العملية تنجح الا قلي الله ينجحني في عملي والله ينجح مقصدك المهم سرت اقولو بسرعة الا قلي خلاص خلصت بس بعدين فتحت عيني لقيت نفسي هابشة في يد ام كدوش وبكيتها معايا ههههه والدكتور يقولي طلي فيا ارفعي راسك وطلي فيا وانا اقولو ماابغة اطل قلي ليش قلتلي استحي الله يستر على حريمك قلي لا يااختي انا حالف قسم بس لازم ترفعي راسك وتفتحي عشان نعرف كيف استجابة جسمك بعد المخدر الا رفعت راسي وطلت على السستر الي ورا بس قلي الحمد الله على السلامة وربي مايضيعلك تعب _______ يتبع _______