اللي تعاني من حبوب الحديد وعندها فقر دم تدخل وتستفيد

نصيحه لك ولكل من يقرأ لا تعتمدون على المكملات الغذائيه بشكل كبير
ولا تاخذونها إلا للضروره القصوى مثل اللي يعانون من نقص فيتامين ب 12 لان نظام اكلهم نباتي خالي منه
او اللي يعملون حميات غذائيه معينه لسبب صحي او علاجي ويحتاجون مكملات غذائيه
وبخصوص الحديد الحمدلله متوفر في الاكل الحيواني والنباتي لكن يحتاج شوي فهم لكيفية امتصاصه بشكل سليم يعني لازم انه يحرص على فيتامين سي بشكل يومي لانه يساعد على امتصاص الحديد وانه مايجمع بين الحديد والكالسيوم لانه يعارض امتصاص الحديد ولا ياكل قبله ولا بعده بساعه الى ساعتين اي اطعمه او مشروبات تحتوي كافيين .
والوصفات الطبيعيه اللي ترفع الحديد مشهوره ومعروفه بدون تفصيل فيها سواء البنجر او الزبيب او الكبده
مجرد تستخدمينها الصباح اول ماتصحين الجسم يكون خالي من اي معيقات للامتصاص . .
وفي معلومه سمعتها من دكتور بيرج باليوتيوب كان يتكلم عن فيتامين سي
وقال ان مكملات فيتامين سي ماتفيد الجسم مثل المصدر الطبيعي لان الحبوب غير انها عباره عن مواد مصنعه مركبه وكيماويات للاسف مافيها غير عنصر واحد من الاحماض والعناصر اللي بفيتامين سي الطبيعي
يعني الحبوب كمكملات غذائيه مستحيل تعطيك كل فائدة وخصائص الفيتامين الطبيعي في الفواكه والخضار والاطعمه الطبيعيه فا احرصي على التغذيه الصحيه افضل من الحبوب لانها بالنهايه تعتبر حاجات غريبه تدخل الكبد ويتعب عشان يتخلص منها

وبخصوص الامساك بسبب الاضطرار لاستخدام حبوب الحديد
علاجه والوقايه منه بنفس الوقت الاكثار من اكل الاطعمه الغنيه بالالياف مثل الفواكه والخضار والورقيات الخضراء والشوفان والبر والاكثار من شرب الماء وممارسة المشي لتحريك الامعاء ومساعدتها على الاخراج بشكل طبيعي