اللي تعاني من مشاكل في سلوكيات طفلها تدخل

وين استفساراتكم حبيباتي
أتمنى أسمع منكم قريباً إن شاء الله

السلام عليكم اولا حابة اشكرك ع اهتمامك وتخصيص وقت للعضوات الله يجزاك الجنةزأنتي ووالديك
حبيبي أنا عندي بنت عمرها سنتين وعشر شهور بنتي مره فوضوية وياما البيت يكون رايق وهي بسلامتها تقلبه فوق تحت تكبكب الموية ع الارض وتاكل وترمي ع الارض واذا قلتلها حطيه اكرمكم الله في الزبالة تقول لا أو انا تعبانه ومره مدللللعة اشتريت لها سبورة والوان تشخمط في الجدار او في يدها علقت لها السيورة في الجدار برضو ماتكتب عليها كم شخطة وخلاص تتطفش اشتريت لها صلصال برضو مايستهويها اشتريت كتب قصص وكتب تلون فيها برضو ايش الحل معاها وحركتها كثيرة

النانخه نفس الحال كانك نتكلمي عن ابني يحب يكب المويه يكب الملابس وعمره اربع ونص اعتقد بهذا السن المفروض مايسوي هذه الاشياء كنت زمان اقول صغير وكلما كبر اقول بيعقل مافيش فايده . احيان نكون فجاءه ساكتين وهدوء يصرخ فجاءه ويضحك حركاته استفزازيه . يضرب اخوه ضرب مبرح . اخطاءه تتكرر حتى لو فهمتيه انها غلط . تصرفات كثيره والله تعبت خلاص انهديت وزي بنتك يشخبط الجدران اذا تعصب ممكن يرميكي باي شيء في يده . اذا شافني مثلا اعطف ملابس الغسيل يخربهم ويهرب

بنتي عمرها سنه و3 اشهر..




وهي بكريتي...


وعندي طفل سنه ونص ...وحامل الحين


من بعد ماجبت ولدي الثاني اهملت بنتي شويه


ماشاء الله هيا ماهي اذيه كثير..
بس بعض الاحيان تعاندني..واظطر اضربها..


نفسي اتمالك نفسي..لاانها تتأثر وتبكي.وبعدين تسألني ماما تحبيني...


اقولها ايوة ماما احبك بس اسمعي كلامي.. وخليك شاطرة...




نفسي افصل عندها وافهمها الفرق بين العقاب والحب..


لااني اذا زعلت منها تتأثر..


يعني نفسي افهمها اني احبها..بس لما تسويغلط


اعاقبها..ومو معناته اكرهها

السلام عليكم
حبيبتي ابشرك بنتك فيه مجال كبير جدا انها يتعدل سلوكها بسرعة لانها لسة صغيرة
أولا اطلب منك الهدوء والثبات الانفعالي معها وابدااااااااا لا تبيني لها انك متضايقة من تصرفاتها ولا شيء
بالنسبة للرسم عالجدار لا تستائين ابدا منها وشجعيها انو رسمها مرة حلو واطلبي منها انو تجرب نفس الرسمة على ورقة لانك تبي تعلقيها على باب غرفتها او على الجدار في غرفتها
واتفقي معها قبل ما ترسمي لازم تصلحي الجدار وتمسحيه واعطيها قماشة فيها منظف ارضيات وتمسح الجدار تحت اشرافك وتدخل معك تغسل يدينها بعد ماتنتهي (في البداية طبعا بتساعدينها بدون ماتشعر) واحكيلها انو انا مرةةةةةة احب رسمك حبيبتي بس لازم بيتنا يكون نظيف ومرتب
لما ترسم عالورقة سوي لها احتفال بمعني الكلمة افرحي وصفقي لها واحضنيها بقوة وحنان وبوسيها وعبري بكامل طاقتك عن فرحتك بها
وبالنسبة لما ترمي أي شيء عالارض انتي قربي لها باسكيت الزبالة الله يعزك واطلبي منها بحب انها تشيلها وترميها في الباسكيت واحضنيها لما تسوي اى شيء صح حتى لو بدون قصد منها عشان تعززي السلوك الايجابي لديها
لازم تنتبهي لها في كل تصرفاتها عشان تقدري تعززي كل الافعال اللي تسويها جيدة
وكمان الحضن جداااااااااااااا مهم والتبسم في وجهها والتشجيع
عدم التبويخ على اى فعل سيء لكن انظري لها نظرة خيبة امل وحزن وحاولي تخلينها تتاثر بنظرتك جدا

حبيباتي صدقوني الاطفال مايتولدوا عنيديين بل العند صفة مكتسبة من اسلوبنا معهم لازم نتحلى بالصبر ونستمع اليهم ونناقشهم كثييير
انتظر منك مدى استجابة بنوتك وان شالله يارب تشوفيها عروسة وام زينة ياااااااااارب