اللي تعبانة ف حياتها ويائسة ومظلمومة..تعالوا شوفي قصتي الغريبة

يا بنات,,اللي تعبانة ف حياتها ودراستها ويائسة تعالي شوفي قصتي وخذي الامل..
بقولكم قصتي الغريبة والاحداث والاشخاص الغريبين اللي مروا علي ف حياتي..انا من فتحت عيني ع الدنيا وابوي قاسي علي وامي ماتهتمي فيني..فوقي ولدين كنت العب معهم كنت ذكية وشقية ومرحة..اول مرة ضربني ابوي وانا عمري 5 سنوات بالسلك وانا اصررخ وهات ياضرب..لاني وسخت ع ملابسي..كنت العب ونسيت نفسي..اللي قهرني امي كا اهتمي في تطالع فيني وسااكتة..دخلت المدرسة ومن اول يوم داومت لحالي..جالسة مع البنات ومطيرة عيوني..كلهم مع امهاتهم الا انا؟؟كنت كل يوم الصباح ابكي واصحى من النوم بصعوبة ويجي ابوي ويهزئني ويصرخ علي..كنت احس بالنقص.البنات مرايلهم حلوة وكل يوم بكلة لون وانا بكلة وحدو طول السنة ومريول موديله رسمي..مو فقر..بالعكس احنا ماعلينا..بس بخل..كبرت شوي وصل عمري 9 سنين وصارت امي تقول روشي نفسك انتي كبيرة؟؟كنت مرة اطلع وشعري فيه ىشامبو؟؟ومرة جسمي باقي فيه صابون؟؟ماعرف مرة..ومرة جيت لها بكتابي العلوم..يمه درسيني ..قالت انتي كبيرة درسي نفسك؟؟وبديت ادرس نفسي وشوي شوي..لين اخذت درجة كاملة ف العلوم,وفرحت..وصلت سنة خامس..وكنت فاتحة الشباك اطل وقت المغرب..واشوف سيارة بوي وفرحت..بابا جا بابا جا..ووصل البيت وجاب عصا وهات ياضرب ..قالي الرجال شافوك؟؟؟ويحسبونك حرمة؟؟؟تاثرت نفسيتي مرة..تخرجت من الابتدائي.ومن اول يوم للتسجيل ف المتوسط..كنت نايمة وجا الغرفة وضربني كف ع وجهي مانسيته..قال نايمة ووراك تسجيل؟؟رحت المتوسطة بمريولي""مسكينة ما افهم""وادخل واسمع استاذة تضحك..تقول:شوفوا شوفوا جاية بمريولها"وانحرجت..جا اول يوم دراسة..وصحيت متاخر وجيت افطر وصبيت كاس الحليب..وشافني ابوي وعطاني كف قوي على راسي..ااه بس..قال يوم جينا نركب السيارة جيتي تفطرين؟؟؟جت المتوسط وبدت معها البلاوي..اللي الى يومكم ماثرة علي..بعد شهر من الدراسة تقريبا,,صارت حادثة ف المدرسة..وحدة شققت دفاتر الطالبات الممتازات,,غيرة يعني..وحطو عريفات سريات وكذا..الا وتجي المعلمة وانا بين صديقاتي اضحك واسولف,تقول وين فلانة؟؟وانا ياعمري ع براءتي فرحت..جا ف بالي انها بتشكرني لاني شطورة..الا وتدخلني ف المقصف وهو فااضي ومظلم,,وشغلت اللمبة..وقالت طبعا لازم تعترفين من البداية..قلت ها؟؟قالت عريفة سرية نثق فيها تقول انك انتي اللي شقيتي دفاتر البنات؟؟اعترفي..ولله يابنات حسيت بكهرب ف جسمي..حسيت بالظلم..بغيت ابكي..خفت..ارتجفت,,قلت والله موانا يا ابله..قالت:ترى بنرفع البصمات,,وشرايك..قلت عادي..والحين خذي بصماتي.."الى يومكم ماعرفت البنت الظالمة"واخذوا بصماتنا,,وطبعا ظهرت براءتي,,انا اللي وجعع قلبي,,ما اعتذروالي..ماردوا لي اعتباري.."طلع المستوى الشهري..ولاني ماعطيت استاذة التعبير دفترى..حطت لي صفر..طبعا انحرجت اوريه اهلي..لاني شاطرة..وزيته ف البيت..وسالني ابوي وين تقريرك؟؟قلت ما عطوني..وجنني..كل يوم يسال هو وامي.مو.من زود حرص وربي..بس يحبون يراقبوني ويعرفون عني كل شي..سافرت الشغالة..وقالوا لي شغل البيت عليك؟؟؟طيب وخواتي..قالوا لا انتي الكبيرة..طبعا انا عييت اساعد..اكره تغسيل المواعين..وقلت لهم غرفتي علي..وصحني بغسله..اما المطبخ كله لا..وطبعا كل ماجا ابوي المصون..تقوله امي فلانة ماساعدتني..فلانة ماتسوي شي بالبيت..وانا كنت جالسة بغرفتي..الا وشي قوي على ظهري..بغى ينقص..والتفت والقى ابوي""حرام اسميه ابوي والله""يصررخ علي ويهاوش ويقول..ليش ماوريتي اك التقرير؟؟وليش ما تساعدينها بشغل البيت؟؟انا ما اتحملك..وطاخ..وانا اصرخ..وانادي..واخواني الاولاد يضحكون..طقني وانا انزف..وهو يضرب بماصورة حديد::اه بس والله اني اكتب وانا ابكي..شوي وقالي اصلا اطوك التقرير وماتبين تورينا..انا عارف اصلا..امك فتشت غرفتك ولقته..اثاريها مفتشة غرفتي وطلعته له..وساكتين..يختبرون كذبي..وجت نهاية السنة..وقلت لهم ودوني الشهادات,,قالي لا..وانا مواعدة صديقاتي اروح..المهم,وبكل براءة وبما ان المدرسة قريبة من البيت واروح امشي احيانا,,رحت امشي,,وطبعا هو مادرى,,بس امي اللي تراقبني بكل شي,,قالت له,,واجي معي شهادتي::وفرحانه::اه بس..الا ويقابلني عند الباب..بسلك..طقني طق حاااااااااار, بغيت اموت منه..وصك راسي ف الجدار..وانا اصررررخ.,وانادي..وهويقول ليش رحتي بدون اذن؟؟وانا انزف..وجسمس كله كدمات ودم..المهم بعدها اندمررت نفسيتي مرة,,راح هو علم عماني وجدتي,,وامي علمت خالاتي,,وانا منحرجة مابي احد يدري..جيت ثاني متوسط.وانا تعبانة نفسيا..وصرت كسلاانة,,واطيح ف الاعجاب..احب هالاستاذة..واعشق ذيك البنت,,ولاني كنت حلوة الحمدلله,,كانوا في بنات يحبوني..وكنت اعطيهم وجه::ماصدقت احد يحبني"امي كل يوم تفتش غرفتي وتتسمع مكالماتي وتعلمه بكل شي,,وكانت الشغالة تعلمني,,انها تفتش دولابي وكتبي,,انا انقهرت وتعبت,,مراقبة وقسوة وضرب ومافيه خصوصية,,ومنعوني من التلفون..وماكنت اطلع من البيت ابدا ولا حتى السوق,,كان هو اللي يشتري لي اللبس..ووسيع مرة,,لانه يقول المراءة عورة..""ماطبق الدين الا ف اللبس""وشوي كرهت امي بصراحة""لاتجرحوني يابنات وربي مو ناقصة""وصرت ما اكلمها,,حسيت انها سبب المصايب والحزن والفجايع اللي جتني..وصرت بس هواش مع الاستاذات,,كل يوم اوقف ما احل الواجب..ولا اسولف اضحك في الحصة..احب اعاند..واجيب ممنوعات..مكياج وعطر..المديرة الظالمة حسبي الله عليها..حطتني ف راسها..وصارت تراقبني..وتتصل على امي تشتكيها مني ومن اخلاقي..وتبالغ طبعا,,عشان تقنعها,ووامي تعلم ابوي..وابوي هات يا تهزي ياضرب,,جيت ثالث متوسط..وانا اكره المدرسة والمديرة,,وبس مشاكل مع البنات,,احب اهاوش,,اللي ماقدرت اسويه ف البيت ,سويته ف المدرسة..صارت لي مشكلة مع وقالت لي الوكيلة اصلا احنا كل يوم نفتش شنطتك..وحاطين عليك عريفات سريات يراقبونك..تخرجت وانا عصبية وتعبااانة,,وابوي اشتكى خالي,ووقاله خالي ودها عيادة نفسية,,وداني مرة وحدة بس,,ومرة لشيخ يقراء.::يقتلون القتيل ويمشون ف جنازته""من الهم والقهر والزهق اللي فيني واحسيت كل الناس ضدي ..التزمت..صرت اصلي وادعي واصيح..وتركت الاغاني والمجلات..دخلت الثانوية وملتزززززززمة وعاقلة بزيادة..وهنا طلعت مواهبي,وصرت طالبة مصلي,,وانصح.واوزع اشرطة ونشرات"كنت ارسل اخوي الصغير للمكتبة اللي جنب البيت,,واعطيه فلوس فسحتي,,"جيت ثاني ثانوي وصرت شاطرة,,ابي اثبت ان فيني شي حلو,,حطيت حيلي ف دراستي واجتهدت,,كانوا الاستاذات يمدحوني,,كل يوم اسمعها تقريبا,,شاطرة واخلاق وبنت مصلي,,تعرفت ع بنات ملتزمات,,وصرنا نسوي نشاطات المصلى مع بعض وكنا نحب بعض ف الله ونتعاون,,وبس ضحك وسوالف,,كنت انسى همي معهم,,كنا شلة مرحة..تخرجت من الثانوي وانافرحانة بمعدلي العالي..وف العطلة::مااااااات جدي الحبيب..اه,,عمره ماجرحني ولا ضرني,,كان يعوضني حنان الاب..دخلت الكلية والقسم اللي احبه انجلش...وصديقاتي معي..وفجاءة,,مرضت,,طاح شعري,,سمرت,,مانام..جاني اكتئاب,,كوابيس نسيان..مدري وشفيني..قالوا صديقاتي:يمكن نفسيتك شانك ماحبيتي الجامعة..صرت اكرره الدارسة والانجلش..ووحدة من اعز صديقاتي تركتني::اه::وتركت خنجر ف قلبي..يوم احتجتها تركتني الخاينة قليلة الوفاء..وبقى معي 2 من صديقاتي..رسبت..جيت سنة ثانية واختبرت مادتي ونجحت فيها..لحمدلله..ووحدة من صديقاتي..كنت اشتكي لها حالي وتعبي..واني محتاجتها واقولها لاتخليني,,وخاصة اني مانب اجتماعية..واستغلت هالشي,,وصارت تطلبني شحن وانها محتاجة وكنت اعطيها,,وربي يابنات عطيتها كثير من مكافاتي,,وشوي بدت تجرحني وتزعلني..وتقط علي كلام..وخاصة انها صارت شاااطرة,,شافت نفسها علي..وكنت اطلبها تشرح لي قاعدة او محاضرة وكانت تضحك علي وتقول انتي غبية ..وليه دخلتي انجلش..وكنت اسكت لها مع اني قوية بس لاني محتاجتها..انتهت السنة وقلت لخالتي عن حالتي..وقالت لي فيك عين..ورحت لشيخ,وفعلا طلع فيني نفس قوية مع حسد..زاد تعبي,,وجت اخر سنة ف الجامعة ويافرحتي,,بس اخ يالصدمة رسبت وصحت وانجرحتي لانه بيتاخر تخرجي..طنشت صديقاتي اللي من الثانوي لان مافيهم خير""بعد ايش""بس احسن من لاشي..تخرجت وانا تعبانة وجروحة,,ووحدة من اللي يسمونها اخت..بدات تجرحني وتقولي انتي مريضة نفسيا..وربي بلاسبب...جاني كم خاطب وكان ابوي يردهم بلاسبب,,بعدين عرفت انه مايبي يزوجني..وكلمت عمتي وكلمته وانكر:ايه انكر الكذاب,,قدمت ع اهلية وماخذوني..لان مستواي مو مرة..بديت اقراء البقرة وال عمران واتحسن شوي شوي,,والحمدلله هذا انا 24 سنة ومستمرة,,وقتي قراية قران وع النت,,وما اثق ف الناس ولا اعترف بالصدااقة ابدا..ابدا..النت هو عالمي والصلاة هي كل شي بحياتي..وهالاشهر ماتت جدتي الحبيبة ومن القهر عليها.. جاني القولون ..وجاني ضعف شهية,نزل وزني من 70 الى 53..يارب تفرجها علي وتشفيني,,واللي عندها نصيحة يابنات,,تنصحني ارجوكم..نسيت اقولكم اني شقت رؤيا واحدة مطوع يقولي يافلانة اصبري ولك الجنة..بس انا اللي مسليني شوي اني صبووورة ومرحة ..ولله الحمد والمنة.وترا هذي قصتي باختصااااااار شديد..ماقلت لكم اني احبوسة ف البيت لا عندي جوال وحتى النت الشبكة تجي من الجيران,,. الحين اكلم امي بس على خفيف,,واخواتي مو مرة معهم:44:بس ربي معطيني امل عجيب ويقين في الدعاء وتوكل والحمدلله يارب,,وكل شي خيرة,,بس ربي ياخذ حقي من الظالمين,,