اللي تعتذر لزوجها كل مازعل :)

السلام عليكم ورحمة الله وبركاته ،،
اخواتي ابقولكم سالفه قالتها لي جارتي وحبيت انقلها لكم وكل وحده تدخل وتقرا حتى لو ماترد تدعي لي ربي يشفيني ويرزقني الذرية الصالحة 😔 
الموضوع اللي قالت لي جارتي تقول ( ركزو انتم بكلامها) :
تهاوشت انا وزوجي ع شيء تافه جدا جدا المهم هذا كان بالليل تقول كنت معصبه وهداني ونسيت المشكله مجرد مانمت < مسكينه الحرمه
تقول يوم قام الصباح الرجال مطنقر وماله خلق ويحاول يفتعل اي مشكله معي وانا اقول بقلبي وش فيه هذا وش جاه < الخبله نست انه كان يسكتها عشان ينام مرتاح والصبح لاحق ع الهواش المهم تقول انا عصبت عليه وبديت اطق عيالي قدامه < مسكينه تبي تلفت انتباهه وقام يتلفظ عليها ويهاوشها وتقول كن احد ضربني كف وتذكرت الكلام اللي قلته له البارح قبل ينام تقول اني رحت له بالليل من بكره وقلت ياابو فلان انا اسفه واعتذر لك والله ماقصدي ماابيك تنام وانت زعلان لك يومين رد عليها رد تقول صحاني من النوم والغفله مع العلم هي كل ماتهاوشت مع زوجها حتى لو هي مظلومه تركض ركض تراضيه ع الطالعه والنازله اهم شي مايزعل تقول احيانا اذا عصب جاي من برا وانا مالي شغل بالمشكله احن ع راسه وش فيك ووش جاك ياابو فلان من مزعلك وينتهي الكلام بمشكله بينهم ،، الزبده قال لها كلام من ضمنه ( لو ماتحسين انك غلطانه ماجيتي تراكضين تبين رضاي قالت انا ابي اراضيك حتى لو ماغلطت عليك قال لا الاعتذار ع قد الغلط وكل ماجيتي تراضيني ازيد حقد عليك لانك اثبتي ع نفسك الخطأ) 
الزبده من الموضوع مو كل مره يزعل الزوج تراضينه خصوصا اذا غلط عليك يعني انتي حطي نفسك مكانه لو جاك يعتذر بتفكرين نفسك ماغلطتي . 
شيء وحبيت انقله لكم والله يووفق كل وحده تذكرني بدعوه تفرج همي وتكشف غمي وتررقني الذريه الصالحه