اللي تعدت الثلاثين ولا تزوجت

فيه شي غريب للحين عايش بيننا بالمجتمع
امس كنت بطلعه مع قريباتي
فيه جميع الأعمار من ٦٠ سنه الى عمر سنتين
كله بنات فيه اللي بالعشرين متزوجه ومعيله
وفيه اللي بعر الثلاثين ونص الثلاثين وهي ماجاها النصيب
طول امس ادقق وانا من ضمنها عمري الان ٣٢
ولا تزرجت ماجاني النصيب اللي اتمناه
لكن
اغلب اللي شفتهم متزوجات بنات صغار
بنات كنت انا بنفسي مربيتهم كانو لما امها
تروح سوق عرس اي مكان مع امي
يحطونها عندي بحجه اني كبيره واخذ بالي منها
يعني عمري انا بالثلاثين
اللي متزوجه عنرها لسى ٢٠ او ٢٢
الاغلب ماكملت ٢٧ الا متزوجه
وعندها ولد او ولدين
طيب وين المشكله يمين بالله يابنات ان اخر همييييي
الزواج لكن كلامها امس ولما جلست اتذكر الماضي
صدق صدق عورني قلبي على نفسي
كيف كبرت بهالسرعه ؟
اقسم بالله ممداي كنت بالثانوي ممداي دخلت كليه
قبل فتره احس دخلت سن٢٠
كيف طار عمري وصرت ٣٢!!
اقسىم بالله الخالق ان اخر همي الزواج
لكن امس وبكل طلعه سوا اقارب صديقات
ارجع متنكده
لما يحسسونك ان الزواج اهم شي بالحياة
وان اللي دخلت ٣٠ خلاث هذي عانس
ولا احد يبيها ومستحيل شي شبه مستحيل ولد يفكر فيها يعني ماراح ياخذها الا مطلق ارمل متزوج وكبير
لان على كلامهم حتى الولد لو انه ٤٠ عمره
يدور ام ٢٥ سنه و٢٨ سنه زوجه له
قليل جدا جدا بنت دخلت ٣٠ تاخذ اعزب بنفس عمرها
وسبحان الله يابنات والله صرت اشك بنفسي
انا اهلي سمعتهم تجنن لدرجه اخواني مايدخنون
ويصلون وانا نفس الشي يعني مو حقت عيال ولا
شي لكن نصيبي مقطوع نهائي يعني بحياتي كلها
عمره احد تقدم لي لو بكلام
لدرجه صرت اشك بشكلي معقول هذا السبب
انا لاني جميله ولا بيضاء ولا شعري حرير ولا جسمي رشيق
ولا فيني اي جمال يعني اقل من عاديه بكثير بعد
هل هذا سبب صرت اشوف البزران اللي انا مربيتهم
تزوجو ومعهم عيال صرت اشوف خواتي اللي اصغر مني
لسنين كثيره ينخطبون
حسيت فيه شي مو معقول ابد ابد نصيبي كذا
واقف المشكله صرت افكر ماطلع لا مع اقارب
ولا صديقات لكن كذا بتوحد بالبيت وامي خلقه
عيونها علي على كل شي تحاسبني لو اجلس بالبيت
صدق بتقول انتي مو مثل الناس بس جالسه كاتطلعين
عشان كذا ماحد يبيك!!
سؤالي يابنات هو طبيعي اللي انا فيه هذا؟
طبيعي لما تتأملي نفسك كيف صرتي
وتتاملي اللي حولك اللي كانو لسى مولودين
وانتي رايحه مع امك زياره لولادتهم
وكانو يحطون هالبيي على رجولة تلعبين معها
تزوجت وكبرت وصار عندها ولد وأنتي للحين مكانك
طبيعي البنات الصغار اللي كانو امهم تأمنهم
عندك لما تطلع شي تزوجو وأنتي بينك وبينهم ١٢سنه تقريبا
صدق ان اهم شي بالزواج والخطبه هنا تحديدًا
بالسعوديه شكلك !!
تعرفون يعني مافي تعارف ولا شي
قبل الزواج عشان كذا الولد وامه يركزون
على الجمال طيب اللي مثلي مافيها جمال ؟؟
ايش ذنبها ؟؟
امس كذا جالسه أتأمل بالطلعه قسم صحيح
اغلب المتزوجات بدري يعني ماكملت ٢٤الا هي متزوجه
جمممممميلات يابنات او اقل شي فيهم شي يشفع
يعني بياض جسم او شعر ورسمة وجه حلوه
انا ولااااااا شي لدرجه تعرضت لتنمر وانا بعمر صغير
وبعمر كبير بعد
حتى امي ماتفضل اني اروح معها زواجات وعزايم
تحب تترزز لخواتي لان كل وحده احلى من الثانيه
صرت اكره طلعات الصديقات الاقارب
كل الموضوع على الزواج والجمال والرجل
والخطوبه وكان هالشي بيديني خاصه اللي تجي
تقولك تزوجي راح عمرك !!
او خوذي اي احد جيبي ولد ينفعك!!
لو شايب!!
احيانا اقول ليتي من مجتمع غربي
اقل شي مايهتمون بشي اسمه جمال
كل همهم شخصيتك
ودراستك
ونشوف كثير اشقر اخذ سمراء والعكس ويعشقها
حنا لا لا هنا حتى لو الولد ماتشرط
الام تحسسك
ان ولدها براد بيت
او امير من طبقه مخمليه ولا تبي له الا جميله
بيضاء شعر ناعم وجه مرسوم وجسم ممشوق
واذا ماحصل كذا خلاص البنت هنا تعنس
انا ماشره ابد على الولد اللي يقول ابي جميله
اشره على الام اللي هي تبي كذا تنسى الشخصيه
والأخلاق وتدور الجمال او تصير تبي اخلاق وجمال
ولو لقت الأخلاق لكن البنت عاديه ترفضها
لدرجه اعرف ام دخلت اكثر من٨ بيوت تشوف بناتهم
كأنها تختار لبس او سياره وللحين تقول مالقيت اللي ببالي
انا وولدي طلباتها شبه مستحيله
بيضاء عيون كبيره وجهه مرسوم وصغير خشن سلة شيف
شعر حرير جسم من فوق نحيف ومن تحت مليان
جامعيه أخلاقها اًوكي طيبه
كل هذي شروطها لو حصلت مواصفات ومواصفات لا
سحبت على البنت واهلها وكلمت وقالت مافي نصيب
والله صرت استغفر الله أتمنى اني انحرمت من اي نعمه
لكن مانحرمت من الجمال لان الحين اللي ماشي سوقها
بكل شي من حب زوج وأهل زوج وحظ وكل شي الحلوه بس