اللي تعرررف للمـاركات الغاليه والمـاركات الرخيصه😔

السلام عليكم..
بنات انا احب انوع في لبسي يعني عادي كل الالوان قد لبستها و ذوقي دايم يعجبني ويعجب اللي يشوفوني ماالبس خبيص وكذا لا كله مرتب.. بس دايم احزن من نفسي هههه ادخل محلات الماركه و في منطقتنا الجميله مافيه الاكم محل مثل مانجو و اتش اند ام وفيمي ناين ونكست ومكس لكن ما الاقي فيها شي يعجبني مدري ليه كل الناس تعجبهم الماركات وانا لا  الوانهم كلها غامقه  تقهرني مره ههههههه دايم ادخلها واطلع بإشياء خفيفه وكمان للبيت واقول لزوجي احمد الله لانه مايعجبني شي واكلف عليك😂
 الشنط مااعرف محل ماركه الا ميلانو والجزم وانتو بكرامه مااعرف ماركاتها ،، والله نفسي اكشخ بذي الماركات هههه ابغى شنطه وجزمه وساعه ماركه 
أهل الماركات ساعدوني اعطوني محلات ماركات ملابس وجزم الله يكرمكم واكسسورات وساعات كل اللي عندكم ماركات اكتبوها لي لاهنتو 
فيه رد تاغ كيف يابنات ذا ماركه مشهوره والا لا هههه طبعا مو في منطقتنا بس دخلته مره في جده وكان فيه اشياء حلوه واسعاره كمان حلوه