اللي تعرف احد او هي متخرجه من كلية المجتمع ؟؟

ماعندي معلومات عن كليه المجتمع كم سنه هي عشان تتخرجي وش قسمك

وحلووه الجامعه وقسم نظم المعلومات اذا له مستقبل مافيها شي لو كملتي حتى لو من جديد العمرر في الدراسه مو حرام يروح احسن من الانتظار

واذا فيه وظائف دوري وتوكلي على الله

والله يكتب لك اللي فيه الخير

سنتين قسم حاسب الي وفيها قسم E >>
مشكوره اختي على رايك ..
وينكم يأخوات ماتردون وش دعوى ..

مرحبا أختي .... دوري في المستشفيات أو البنوك ممكن تلاقين ..ولاتنتظرين حد يوظفك

واذا تحبين الدراسه فأنصحك تواصلين ....لأن طول عمرك بتنقهرين وأنتي معك دبلوم ولاحد معطيك وجه في الوظايف ,,,,أما مسألة المشوار .....فراح تمشي السنين بسرعه ,,,,واستغلي الفرصه دام عطوك وجه ,,,,,,
ياما انقهرت يوم يقولون تبدين من جديد ....يعني دراستنا اللي درسناها لعب ...اشوف كثير يحقر أمر الدبلوم .....

شكرا اختي الجنوبيه على مرورك ونصيحتك
الله يكون بالعون ,,
تقولين دامهم عطوك وجه ليش!!!!!!!!!!!!!
هم ماعطوني وجه نسبتي ماعجبتهم"هذا وهم بفلوس" ولا رضو يخلوني ادخل نظم معلومات على طول من اول مره لا يبغوني ادخل المحاسبه ترم وادفع 42.000ألف وبعد مايشوفون المعدل بالترم الأول إذا هو 3.75ومافوق يحولونني إلى نظم معلومات وابد من جديد يعني من اول ترم و اذا لا ماجبت هالنسبه اللي يبغونها ماراح يحولوني بيخلوني بمحاسبه وانا مابغى محاسبه يعني مافي شيء مضمون ,,
وش رايك ؟

أختي أنا فكرت انها بدون فلوس ...قلت فرصه....لأني أعرف ان الجامعه ماتقبل الا الخريجات الفريش والممتازات ...وقلت فرصه جات لك انك تدرسين بدون رسوم ....أتاريها برسوم
والله حرام نكلف على أهالينا هذي المبالغ ....أصلا الدبلوم اللي معك ..مايؤهلك اذا حصلتي على وظيفه تدبرين هذا المبلغ في سنه ....معقوله 42000في ترم.... شوي يخفضون الأسعار

شوفي استخيري ربنا أولا في امرك ...واذا نسبتك حلوه في الثانوي ....أو حتى اذاهي قليله جربي تدخلين بها الجامعه ....ولاتقولي لهم ان معك شهاده ....لأن أولا راح تسحب شهادتك منك ...ويعادلون لك ماده أو مادتين في السنه ...ماتستاهل تخسرين شهادتك اللي تعبتي فيها ....وتكون معك اذا احتجتيها
....راح أقول لك عن تجربتي ...انا خريجة كلية تربيه متوسطه ...كل سنه أقدم على اكمال دراستي ....وما يقبلون الاثنتين من اللي معاهم دبلوم ...واستمريت كذا على أمل انهم يقبلوني بشهادتي الدبلوم ...وخلاص انتهت صلاحية شهادتي الثانويه اللي لو اني سكت وماقلت لهم عن الدبلوم كان على طول قبلوني لأن نسبتي عاليه وتخصصي حلو ...غباء مني ...علشان مادتين في السنه يعادلونها لي,,,,,وانقهرت وأنا مالي حيله أدخل بكالوريوس ....حسيت الدنيا تسكرت في وجهي مع رغبتي الشديده بالبكالوريوس .....والحمدلله ربي فتح علينا بالانتساب ودخلت مع أول دفعه,,,ولزقت معهم ...رغم الصعوبات......والتخصص حقي بعيد عن تخصصي الأول ,,,الله يعيني على الباقي .....

فأنتي اسألي نفسك هل أنتي من محبي الدراسه والبكالوريوس ....أم مالك خلق على الدراسه ..اذا كذا ريحي نفسك لأنك ماراح تتحملين مشوارها ... ,,,وابحثي على وظيفه بتلاقين اذا دورتي زين ورضيتي بالموجود

أم اذا كان البكالوريوس حلمك ....فراح تتحملين كثير في سبيله ...دوري على فرص أخرى في جامعات ثانيه ....وصدقيني اذا رغبت في شيء ودعيتي ربي وسعيتي لازم تسعين وتسألين ....ربي سبحانه ماراح يخيبك ....

وهذا القرار كله راجع لك .....والله يوفقك