السلام عليكم أنا اعاني من فقد ثقه جلد ذات رجاجة على فهاوة على دلع ومياصة على رقه بزيادة
حساسة جدا ام دميعه خوافة ماأعرف وش مفروض اسولف ووش مفروض لا
خثراقه مااأعرف اسكت وانكتم جنوني اجلس مع احد وحنا ساكتين واتكلم بكل حركة وسكنه ماأدري كيف اوصف لكم
طريقتي بالكلام ضحكتي مع اهلي وحده مايصه دلوعه هبلا غبيه بطة سموها اللي تبون ماداري والله كيف اوصف لكم
هذا طبعا كله قدام اهلي بس ماخذه راحتي هذي شخصيتي الحقيقة لكن قدام الناس لا احاول اصمت قد مقدر الصمت حكمة لو خثرقت وسولف زي مع اهلي وش بيقولون الناس
المهم اشوف نفسي اسلوبي مع اهلي مو قد الزواج والمسؤولية رغم اني فوق ال25 سنة
مع الناس ماأعرف كيف اكون رزينه وثقيلة ومو اقحم نفسي بكل سالفه حتى لو كان بأدب ومشاركه أحاول احيانا الطف الاجواء واخفف دمي واحس اني مرجوجة مو زرينه يعني
ولو صرت رزينه احس اني ممله وكئيبة
ضحكتي لاسجلتها وسمعتها يووووه تفشل وحده رجة وخبلا
حساسه جد ا جدا غير مرنه ازعل من الذب والتريقة وماعرف اطلع بكلام مناسب وواثق وبنفس الوقت بدون مايبين اني زعلت وتحسست
يعني مثلا لو ناس قالوا فلانه تشبهك بصفة معينه بوجهك وهالصفة مثلا ماعجبتهم فيني وفي الفلانه اللي شبهوها فيني أزعل وارتبك ماأعرف بثقه اقول اووووه دامها تشبهلي اجل الملح كله فيها
لو مثلا وحده قالت عاد مالقيتي تسالين الا فلانه عن اسامي البرزران لاني انسى انا هنا زعلت وتكدرت وسكت ماأعرف كيف ارد عالذبة بشكل حلو وبنفس الوقت بمرونة وبرود و بدون زعل
عجزت اكون لي شخصيه وأسلوب وامسك العصا من النص
احتاج لأخصائي أو اخصائيه المهم يكون باله طويل ويسمعلي
ابي اعطي نفسي ثقه بنفس
ابي أكون رزينه وهاديه ولاتكلمت تكلمت برزانه وثقل وثقه
احتاج بشكل عاجل واللي عندها علم لاتكتمه الله يجزاكم خير
نور._. @nor_169
محررة
يلزم عليك تسجيل الدخول أولًا لكتابة تعليق.
الصفحة الأخيرة
وفيه نادي الثقة في مركز الإبداع - مجاني - كل شهر دورة . وعندهم أيضا جلسات .. موقعهم مخرج 6 مقابل مطعم ديرتي .
وشوفي مراكز التدريب تبع الجمعية الخيرية لتحفيظ القرآن عندهم دورات متعددة .
وموفقة,,,,,,,,