اللي تعرف الجريش

سبحان الله

ينقل من الاطباق الساخنه لاطباق عالم حواء

هلا قلبي
الجريش سهل مررررررره
بس يبي له طبخ طويل يتراوح من ساعتين
لثلاث..
جيبي قدر كشني فيه بصل قد ماتبين بنصف كاس زيت زيتون
اذا تبين بدون لحم حطي ماجي واحمسيه مع البصل
والزيت..
لاشفتي البصل صار اشقر حطي مويه مغليه
وتكونين غاسله كاسين جريش (اذا لك ولزوجك)
وتحطينه بحيث تكون المويه مغطيته ..
تجيبين كوبين ماء تحطينهم بطاسه وتحطين عليهم
4 ملاعق كبار حليب بودره (حليب البودره اطعم)
وتصبينها فوقه..
اذا عندك لبن حطي كوب اذا مافيه حطي علبة
زبادي محلوله بكوب مويه.
حركيه وحطي فوقهم 4 حبات فلفل حار عدل
وملعقة كمون مطحون وملح قد الرغبه
اذا بدى يغلي قصري النار خليها صغيره
وسكري القدر زين وحطي عليه النجر عشان يثقله
او ثقليه بأس شي متوفر عندك..
كل نصف ساعه افتحيه شوفي اذا شرب
المويه ونشف حطي عليه كاس زياده
وحركيه بس انتبهي تحكين القدر من تحت عشان
الحكاك ماينخلط بالجريش
وبعد مايخلص اعصري نصف ليمونه وصبيها عليه
مع ربع كاس زيت زيتون ..
وحطيه بالارض _اخاف اقول حطيه على طاوله ينكب عليك_
وجيبي مغرفه ثقيله شوي ودقييييييييييييييييييييييي لحد
ماتتمصع يدينك :)
وصبيه بصحن التقديم وحطي فوقه كشنه عباره عن
بصله كبيره محموسه بزبده اذا ذبلت حطي عليها ليمون
اسود مطحون قد ملعقة شاي صغيره
ونصف فنجال سكر كله يحمس
ويصب فوق الجريش وبالهنا والعافيه.

حبيبتي انا اقول لك طريقتي والحمد لله مشهورة بجريشي

المهم

اول شي تاخذين مثلا كاس جريش مع نصف كاس سليق اللي هو رز مصري

وتغسلينهم زززززززززززين

اذا كنتي تبينه غدا مثلا الساعه 3 يكون جاهز
انا اغسله تقريبا الساعه 10 او 11 على قومتي


وبعدين تنقعينه انا ااسر في النقع عندي

اني انقعه نصفه ماء ونصفه او ثلاثة ارباعه بعد حليب
وقطعي معه بصله متوسطه وحطيها بموية النقع

وخليه الين يجي وقت الطبخ
يعني على 12ونص او 1

تحطين القدر فيه شوي سمنه او زيت او زبدة اللي عندك وقطعي معه بصل وثوم واحمسيه شوي

وانا اكون سالقه دجاجة ومنتفتها قبل بفترة او قبل بيوم ومحتفضة بمرقتها اللي اكون مبهرتها

تصبين مرقه الدجاج على البصل المحموس اذا كان كثير لاتصبينه كله جزء منه

ثم تحطين الجريس المنقوع عليه مع مويته اللي نقعتيه فيها

وحطي الدجاج المنتف عليه وحطي شوي بهارات وملح وماجي ابيض

وانا اذا شرينا ذبيحه احتفض ببعض من الشحم واقطعه مربعات صغار بعد مايجمد شوي واحه ببلاستيك وبالفريزر علشان يعطي نكهه للجريش
وخلي مويه الجريش تغطية وزيادة بعد لانه يحتاج مويه كثير وحطي قطعة زبدة او ملعقه سمنه معه

واذا خلصت مرقه الجاج حقتك وحسيتي انه محتاج احسن زودي شوي ماء مع حليب او حليب بس

انا ماحب استخدم اللبن لانه يطلع تكتلات بالجريش ونفس الشي الزبادي اذا حطيتيه اثناء الطبخ اما الحليب لا

بس واذا فاح وحسيتيه يبطبط خليه ثواني بعدين اقصري عليه مررررررررررررة تنميل يعني
وانسيه وشيكي عليه بعد نصف او بعد ساعة وشوفي اذا احتاج ماء زودي شوي والا خليه

وبعد ساعتين تقريبا الى ساعتين ونصف عادي

وسوي كشنه عاديه للوجه

واذا بغيتي تقدمينه حركيه زين بملعقه خشب وشيلي الشحم واذا حسيتي انه ثقيل شوي الحين عادي تزودين شوي لبن لانه ما راح يرجع على النار او زبادي
واذا حسيتي انه خفيييييييييف يعني المويه كثيره حطي عليه شوي شوفان وحركيه واذا حطيتيه بالحافضة خليه شوي يعني 5 الى 10 دقايق احسن علشان الشوفان او انك ترجعينه على النار شوي بس على نار هاااااادية
وبالعافيه


اذا سويتيها علميني وش انطباعاتكم