أنزين تنصحوني أني أستعملهم يعني 2 كولستون و 1 بيروكسيد تكفون بنات ابي النصيحه , وأبي راي المشرفات العزيزات أو اللي مجربات هالنسبه , وبعدين شلون أصبغ أشقر فاتح يعني على اي أساس أحكم أن هالعلبه لون الصبغه مالتها أشقر , تكفون ردوا علي .

ممكن اختي اوراق الزمن تقولين لنا على طريقتك في الصبغ
وهل فيه درجه معينه انتي مخلصه لها ياريت تكتبينها الله يعافيكي ضرووووري

اختي ساكنه القلوب ..
المكتوب على العلبه انك تستخدمي لكل كولستون علبه من البروكسبيد 1+1
بس احس انه البروكسيد بالطريقه هدي راح يكون قوي على الشعر ويعدمه
لها السبب استخدم 2+1 علبتين كولستون مقابل واحد من البروكسيد ..

اختي ام ريان طريقتي في الصبغه عاديه بس
اناكنت دايم اخلط لونين ..
يعني كنت احط 2 بني غزالي و 1 اشقر فاتح جدا ( الكميه كبيره بس لان شعري كان طويل )
واتركه لمده تتراوح بين 45 دقيقه الى الساعه واغسله ..
بس ادا بديت اصبغ شعري ابتدي من تحت الى فوق
ويطلع لونه بني فاتح على اشقر كانه طبيعي .. وتقريبا لي 5 سنين وانا استخدم الطريقه هدي.

بس اخر مره غيرت اللون وخليته كستنائي متوسط وقصيت شعري
غيرت شكلي مرره من الاشقر للغامق ومن الطويل للقصير بس الحمدلله طلع مرره حلو ..

أنزين شلون اصبغ شعري بالبيروكسيد و الكولستون للون الأشقر الفاتح , ها شلون الطريقه ممكن تقولولي , يعني أستخدم البيروكسيد و الكولستون مع صبغ شعر أشقر ولا شلون , ناطره و أبي الرد يا حبيباتي

هلا اختي ..

جربي اولاً على خصله صغيره حتى ترتاحي للون .. واذا عجبك اصبغي الشعر كله ...

بالنسبه لأختيار اللون ,, اختاري اللون الموجود على العلبه .. وغالباً يضعون اللون الأصلي للشعر وكيف راح يكون اللون الجديد مع الصبغه اللي اخترتيها ,, مع الأسود الغامق .. استخدام الصبغه الشقراء الفاتحه يعطيك بني غامق .. وهكذا ,,,