اللي تعرف بالمشكلات النفسيه ....ياريت تتفضل انا تعبانه

لا ترفعين صوتك اذا امرتي
وحاولي يكون طلب ماهو امر
وضروري تبتسمين اذا طلبتي

حبيبتي مشكلتك بسيطه وهذا مب مرض بكثر ماهو جزء من شخصيتك يمكن انتي من حبك للنظام او للشخص اللي قدامك ومن حبك انه كل شي يكون صح وعلى حسب الاصول وبنظام معين تحبين تتكلمين وتعبرين عنه بس اللي حواليك يفسرونه بانه حب للسيطره وفرض راي وساعات بعض الاشخاص ماعندهم المهارات الكلامية اللي يتواصلون من خلالها مع اللي معاهم بطريقه محببه وودوده ويكون اسلوبهم جدي زياده عن اللزوم وهذا جزء من شخصيتهم الجاده او من اسلوب تربيتهم اللي ماكانو يسمعون فيه كلمات محببه او يستخدمون فيه اساليب وديه ولينه

اختي تعلمي تطنشين ولا تتدخلين بكل شي غضي النظر خصوصا عن الاشياء اللي ماتخصك مثل زميلاتك بالشغل وغيرهم اذا بدر منهم تصرف معين انتي مايخصك لا تتدخلين وتحاولين تعدلين الوضع لانه انتي تفسيرنه طيبه وحب للمساعده وغيرك يفسره تسلط وتدخل في مالا يعنيك وتشدد غير مبرر وماله داعي

ساعات نعيش اسعد لما نخلي الامور اسهل يعني الله سبحانه وتعالى هو بس اللي خلق كل شي بمقدار معين وحسب مقاسات ودقه متناهيه بس نحن البشر مو معصومين من الخطا ولا نقدر نمشي الامور كلها تمااام وعلى حسب نظام معين وحتى لو حاولنا بنتعب وراح يتعب معانا اللي حوالينا

الحل بيدك لا تتكلمين بصيغة امر خصوصا مع زوجك وزميلاتك هم تعودو على صيغة كلامك وفسروها على انها اوامر غير ي اسلوب كلامك ومافي مانع تستخدمين كلمات محببه وطلب باسلوب ودي مريح لك ولغيرك

لما تقولين لزوجك بكره لو سمحت لا تروح الاستراحه وخليك معي !!!

المفروض اسلوبك مع زوجك غير عن كذا بالمره هو طبيعي يفسره كامر وشرط وانتي مشتاقه له وتبين تقعدين معاه
حاولي تتكلمين من قلبك مع عقلك عبري اكثر

قوليله حبيبي والله مشتاقه نقعد مع بعض شرايك بكره نطلع نغير جو مشتاقه اقعد معاك !!

بالنسبه لزميلاتك اذا كان اللي يسونه مو شغلك نصيحه خليهم لا تتدخلين الا اذا طلبو النصيحه واذا حبيتي اتساعدين استخدمي كلمات بعيده عن الاوامر المباشره يعني مثلا قولي فلانه حبيبيتي اعتقد لو كان سويتي هالشي بهالطريقة مو راح يكون احلى واحسن والا شرايك تسوينه بهالطريقه ؟؟ اذا عدلت الوضع كان بها اذا كا تقبلت كلامك او شفتيها مو مقتنعه خليها خلاص !!
او سوي اللي يريح راسك اسكتي ولا تتدخلين !!

ونصيحه اخيره اقرئي اكثر وثقفي نفسك باسلوب التعامل مع الزوج والاخرين فالعمل وكل حد وشخصيته

لاء يا غالية ده مش مرض دة اسلوب

انتي بس محتاجة ارادة وحاولي تغيري طريقة كلامك شوي لازم بااااااااااااااااااااارادة حاولي


تقولي مثلا قولي لاختك

( طيب هدي نفسك يا حياتي وانا حعمل الي انتي عيزاه بدل ماتقولي لاتصرخين وكذة )حاووووووووووليس تتغيري


وادعي ربنا والله ربي ما راح يخيبك ابدا وراح تشفوفي التغير ان شاء الله

لا اختي
هدا مو هوس سيطرة بالعكس امكن انتي من الناس دات الشخصية الحازمة الجادة وهدا شي حلووو في بعضالمواقف
بماانك مدرسة لازم حزم مع الطالبات
بس باين ان قلبك طيووووب
خلي الابتسامة دايما معاكي امكن ملامحك جادة شوية

ماادري بس رايي حاولي تطنشي كثير