صباحكم ومسائكم ورد
يابنات انا اليوم شريت مجموعة الجليسوليد
وهي عباره عن
جليسوليد - فازلين - صابونة دوف مبشوره - عصير ليمونه
هالخلطه قريتها قبل فتره هنا وحده منزلتها وانا نسيتها :(
واللي ابيه منكم يابنات الله لايهينكم اللي تعرف الرابط او طريقة استخدامها تقولي لي
يعني كيف اخلطهم هل اطبخهم ع النار او كيف :(
انتظركم ياعسوولات
:26:
قهوة شتاء @kho_shtaaa
عضوة فعالة
هذا الموضوع مغلق.
فيه وحده حاطه موضوع نفس المقادير حقتكي واسمها عآبره سبيل جزاها الله خير كانت رووعه الخلطه بس كانت خلطه للرجول
المقادير هي:
- ربع ملعقة جليسوليد ..
- ربع ملعقة فازلين ..
- اقل من ربع صابونة دوف الورديه ..
ملاحظه/ ممكن تجربين صابونه ثانيه اذا ودك لكن مادري اذا النتيجه نفسها او لا
- نصف عصير ليمونه ..
الطريقه:
اول شي ناخذ صابونة دوف ..
و نقطع مقدار اقل من ربع ..
ملاحظه/ انا جربت الطريقه 3 مرات .. وما استخدمت الا نص صابونة دوف ..
طبعا انتي و على راحتك كيف تقصينها .. البعض يحكها بالسكين عشان تصير مبشوره على طول ..
ولا صيري زيي و ابشريها بالمبشره و افتكي ..
نصب عليها عصير الـ نصف ليمونه
بعد الخلط ..
و نضيف ربع ملعقة جليسوليد ..
نضيف ربع ملعقة فازلين ..
بعد الخلط .. بتكون شوي ثقيله
و بعدها حطيها على رجلك .. و حطي على الاماكن الغامقه طبقه اكثف ..
طبعا لا تظنينها زي الكريم بتتشربها البشره ..
لا لا حطيها و بتكون خلطه بيطه على رجلك ههههههه ..
و جيبي كيس نايلون ..
ملاحظه/ اذا بتستخدمين الكيس العادي تأكدي انه خالي من الوسخ او أي قطع صغيره ..
انا استخدمت الكيس .. حق تغليف الاكل .. اقصه على مقاس اكبر من رجلي بشوي ..
و ألبس فوقه شّراب (جوارب, دلاغ) .. واقعدي فيه مده لا تقل عن ساعه ..
اذا مرت ساعه .. شطفي رجلك بالمويه بس (بدون صابون) ..
بعدين خذي الحجره السوده او البيضه .. ( انا استخدمت البيضه ) ..
ملاحظه/ ممكن تستخدمين الفرشاه الخشبيه حقة القدم من بودي شوب بدل الحجره لكن انا ما جربتها فـ ممكن انها ما تجيب نفس مفعول الحجره البيضه ..
و افركي رجلك خصوصا على الطبقات الغامقه .. لكن بخفيييف لا تجرحين نفسك .. بعد ما تخلصين من الفرك اغسليها بالصابون اللي يريحك ..
و اذا خلصت من كل شي ارطب رجلي بـ نيفيا زيت اللوز ..
وبس ..
---------
النتايج :
مدة استخدامه:
استخدمتها 3 مرات فقط وشفت نتايج واااااااو ..
كيفية استخدامه:
تحطين الخلطه على رجلك مده لا تقل عن ساعه ثم تشطف القدم بدون صابون و تستخدم الحجره البيضه او السوده
تفركين فيها المناطق الغامقه .. بعد الفرك اغسليها بالصابون اللي يريحك ..
النتيجه:
ورببببي نتييييجه مذهههللللللللللللله .. تقريبا ككل رجلي تحسنت بنسبة 97%
صرت امشي على رجلي فالبيت بكل فخر ..حتى حسيت الفرق بمفاصل رجلي .. بدت تتوحد ولله الحمد ..
حتى حسيت الفرق بمفاصل رجلي .. بدت تتوحد ولله الحمد ..
ملاحظه مهمه/ هذي الخلطه للاستعمال مره وحده .. يعني ماتحفظينها او شي .. لا لا على طول تخلطينها و تحطينها على رجلك .. هي تكفي اصلا حق رجلينك الثنتين لمره وحده فقط ..
نقلته لك من نفس موضوعها والروابط ما أعرف كيف أحطها
أتمنى أني أفدتك
الصفحة الأخيرة
http://forum.hawaaworld.com/showthread.php?t=2964732