اختى سمو فتاة
الله يوفقك ومشكورة على الرد

اختي جادل أناسويت منظار مرتين مره عند الكتور الشدوخي
ومره عند الدكتور المعجل وكلهم كويسين وترى المنظار مدته دقيقه فقط وابدا ما في أي
ألم بعده يمكن الصعوبه بس في أنك تحسين بشيء غريب داخل فمك والبلعوم بس الحمد لله
انه ما يطول ..توكلي على الله وأعمليه ولا تنسين تقرائين الأذكار قبله...مع تمنياتي لك بالشفاء العاجل..

يابنات الي جربته في القولون تقولي هو كان صعب
عليها
وماذا تحسين بعد العمليه بالنسبه للي عملو القولون

الاخت سلوك الذهب
مشكورة على الرد
اعذريني من ايش كنتي تشتكين وليش مرتين
والحمدللة على سلامتك

هلا أختي جادل أنا بدأت معي الآم المعده من سنه ونصف تقريبا كنت اذا أكلت أحس بالآم شديده في المعده
لدرجة اني صرت أخاف من الأكل ونقص وزني 5 كيلو في شهر واحد بعد كذا رحت لكم دكتور ويعطوني أدويه
للحموضه وتخف عندي الحاله اسبوع أو أسبوعين بعدين ترجع زي أول بعد كذا سمعت عن الشدوخي ورحت له
وسوالي منظار وكانت النتيجة انه عندي التهاب في جدار المعده بسبب بكتريا H-Pylori وأخذت علاج لمد 9 شهور
وبعدها وقفت العلاج وصرت آخذ حبه سوداء وعسل لمدة 3شهور والحمد لله حسيت اني شفيت ورجعت آكل زين
لأني خلال فترة العلاج نقص وزني 13 كيلو...ويا فرحه ماتمت والحمد لله على كل حال رجع لي الألم من جديد ولكن أخف من الأول شوي... فرحت للدكتور المعجل وسويت منظار آخر وقال اني معدتي سليمه وعطاني علاج للحموضه
بقي ان اقولك سبب الام المعده عندي هو تهيج القولون وهذا اللي ذابحني الآن لأن اظطرابات القولون تؤثر على المعده
وتسبب الحموضه يعني أنا الحمد لله معدتي سليمه لكن القولون هو اللي متعبني أسأل الله لي ولك الشفاء العاجل..
(معليش حكيت لك قصة حياتي كلها)