اللي تعرف شي عن مستشفى الحرس الوطني بالرياض ٲڷڷ? يفرج لها تساعدني

آلسـَلآم عليـڪـَـَم‏ وَرَحْمــَـ? آللًـ?ْ وَبَرگات?ْ ☺

كيفكم بنات ؟!

بنات هذا حملي الثاني ٲڷڷه لي يارب ويتمم لكم حملكم ويرزق كل من تتمنى الحمل يارب

حملي الاول تابعت فـي خاص وطول فترة الحمل وبالشهر السابع فتحت ملف فـي خشم العان راجعت فيه مراجعه وحده وبعدها جتني ولاده مبكره ودخلت على مستشفى الحرس الكبير عن طريق الطوارئ بس اللي كان مناوب دكتور رجال هو اللي ولدني ومعاه طلاب متدربين سعوديين بعضهم يعرفون زوجي وزوجي كان موجود معاي بغرفة الولاده يعني موقف لايحسد عليه زوجي !!


وبعد الولاده حلف علي زوجي اذا دخلت غرفة الولاده مره ثانيه وصار الدكتور رجال اطلع لو فيني المووت وعصب مررره

واللحين حامل وكم مره يوصيني مااكشف ولا اولد عند رجال ..

المهم سؤالي انا اتابع اللحين عند الدكتوره منى الريس بالشبلان والولاده ان شاءالله بالحرس الوطني بس خوفي يكون رجال وبوقت الولاده ماراح اكون بوعيي !!

هل لو بديت اتابع من اللحين فـي المستشفى الكبير نفسه وعند دكتوره معينه اقدر اطلبها وقت الولاده وتجي ؟! واقدر اكتب بملفي اني ماابي دكتور رجال يدخل علي وقت الولاده ؟! ولا ؟!


ياليييت تطمنوني لاني ماشلت هم الولاده كثر هم انو يكون رجال وتصير مشكله مع زوجي ،،