اللي تعرف طريقة مضبوطة للمطبق تدخل

هلا حبيبتي انا بقولك بطريقتي المعتمده والحمدلله مره لذيذه ومشهيه
مقادير العجينه على حسب ماتبغي كثير او قليل يعني حسب الاشخاص الي عندك
والعجينه مكونه من ثلاث ارباعها دقيق ابيض وربع دقيق الاسمر الفاتح لانه فيه نوعان اسمر غامق وفاتح واضيف فوق العجينه شويه زيت ورشه ملح فقط واتركها شويه ترتاح واقوم بتقسيمها الى دوائر بحجم اكبر من البيضه بشويه وافردها على سطح مدهون بسمنه ليسهل فردها ولازم تكون مره رقيقه وبعد الفرد هنا السر على كل حبه بعد ما افردها استخدم رقائق السبرنق رول لكي تحفظ الحشوه وماتتقطع العجينه واطبق العجينه عالحشوه واضعها في مقلاه مع رشه زيت خفيف ولما تتحمر اقلبها عالوجه الثاني وهذا لين تخلص الكميه الي عندي اقوم بتقطيعا الى مربعات صغيره
مقادير الحشوه المفضله عندي هى :
حزمه كراث
اربع حبات بيض
حبتين طماطم متوسطه الحجم ومقطعه مربعات صغيره
وملعقه كبيره كمون مطحون+ملح وفلفل
واخلطها مع بعض واضع تقريبا ملعقتين من الحشوه في كل حبه من العجينه
وان شاءالله اكون افدتك

مشكوووورة أختي(نصيحة الامة ) ربي يسعدك باجرب طريقتك
بغيت الطريقة بالرقائق الجاهزه بدون عجين اختصار للوقت ولا مايضبط

مطبق اطباق النخبه جدآ جدآ لذيذ ابحثي عنه

حبيبتى سوي بحث في اليوتيوب
وبتحصلي عدة طرق للمطبق
بس عندى طريقة معتمدة أخذتها من اليوتيوب بس هي عجين
موجاهزه رووووعه للأخت كاثرين وفي طرق أخرى
عاد أنت شوفي

جيبي العجين الجاهزه ... حطي لحمك المفروم بالصاج من غير زيت ولا شي وطقطقيه بالملعقه لييين يقلب لونه من الاحمر للبني ويكون مجهزه مووويه مغليه وصبيييها على اللحمه عشان تضمنييين استواائها واضيفي له كمون وفلفل اسود وملح فقط وغطيه وخلي المفروم يطبخ لين يجف تماما ..

جهزي كراث غسليه وافرميه ناعم وطماطم مقطع صغير .... بعدين حطيهم على المفروم ... وحطي بيضتين اذا مفرومك قليل او 3 اذا كثير واخفقيهم وحطيهم على المفروم والكراث اخلطيهم وجهزي عجينتك بالصينيه مربع واحشي ممكن تدخلينها فررن او تسوينها بالصاج على البوتجاز .. ولاتنسيييين ^_^ الليمون والفلفل ...

واذا تبين مطبق حلو موز وسكر وبيض .. مثلا حبتين موز وسكر حسب رغبتك وحبه بيضه اهرسيها بالشوكه واحشي ..

وهالوصفه المعتمده عندنا ^_^ بالعافيه يارب