اللي تعرف طريقه كفته الدجاج تساعدننيي

حطي دقيق بدل البقسماط

خذي توست وحطيه في طاوه او مقلايه على نار متوسطه الى خفيفه خليه يتحمص خفيف مجرد يشقر وينشف من الجهتين ثم حطيه على جنب بصحن مكشوف يادوب ربع ساعه وراح ينشف بالكامل
كسريه وحطيه بمحضرة الطعام وافرميه ناعم وبكذا صار معك بقسماط
او خذي التوست وحطيه بالفرن على نار خفيفه ينشف ويشقر خفيف ثم برديه واطحنيه ويصير معك بقسماط


اما الدجاج تقدرين تضيفين له بقدونس مفروم وبصله مفرومه ناعم وبهارات مشكله وملح ملعقتين بقسماط او طحين وامزجي المكونات مع بعض كويس ثم شكليها حسب ذوقك اما اصابع او اقراص او كورات او افرديها بصينية مدهونه
واشويها بالفرن وقدميها مع سلطه وبطاطس
او اذا عملتيها كورات شوحيها شوي بالزيت مقدار فنجان خليها تاخذ لون خفيف ثم ارفعيها في صحن على جنب
ثم بنفس الزيت شوحي بصله مقطعه وفص ثوم وبهارات مشكله وبابريكا وعود قرفه وحبتين قرنفل وملح ثم حطي ملعقتين معجون طماطم خليها تتشوح بالزيت ثم حبتين طماطم مفرومه بمحضرة الطعام وغطيه يتسبك خمس دقايق ثم صبي فوقه كوب ماء مغلي وذوقي الملح ثم رجعي كورات الدجاج بالصلصه حبه حبه عشان مايتفكك اهم شي انك تشوفين الصلصه تغطي الدجاج بعد ماتحطينه كامل ويبدأ يغلي ثم خففي النار وغطيه ينضج براحته حوالي ربع ساعه
وممكن قبل تضيفين الدجاج تحطين نوع او نوعين خضار مع الصلصه الى ان تنضج ثلاث ارباع استواء ثم نزلي فوقها الدجاج وبس قدميه اما مع رز بالشعيريه او مع خبز
وممكن تجربين تنوعين في تتبيلة الدجاج حسب ذوقك مثلاً تضيفين ثوم او فلفل ملون بارد او قليل بشر قشر ليمون او دبس رمان
او حتى تبتكرين توابل مختلفه مثل كميه بسيطه قرنفل هيل مطحون ثوم وبصل بودره زنجبيل بودره كزبره بودره وغيرها من التوابل
لانها هي اللي تعطي النكهه المختلفه فلازم انتي تجربين الى ان توصلين لطريقه تناسب ذوقك