عزيزتي

أخو صديقتي عمل الكي أكثر من مره يمكن 5 مرات بعدها راح منه المسمار

وكمان في ملصقات في الصيدلية تجيب نتيجة بإذن الله وهي مجربة بس لازم تعقيم وتنظيف داااائم

السلام عليكم و رحمة الله و بركاته ..
كل عام و أنتم بخير :) ..
و صباح الخير :) ..

ياأختي ريانة العود إنتي ما حددتي أي نوع من المسامير ؟؟
فيه مسامير عبارة عن تكلسات ( سمعت إنها تتجمع من الكالسيوم
إللي في جسم الإنسان !! ) وتكون مرة توجع
ومؤلمة بشكل فظيع الله يبعد عننا وعنكم الشر ..
لدرجة الواحد ما يقدر يمشي ولا يدعس على رجله ..
وقاسية جدا وتظهر في الأشعة كأنها عظم .. وتكون عميقة ..
هادي إللي أعرفه عنها إنها ما تروح غير بعملية
جراحية يشيلوها بيها .. والله أعلم ..

وفيه مسامير الرجل إللي زي الثآليل وتكون قاسية
نوعا ما وتبرز شوية زي الحبة و توجع لما تدعسي على رجلك ..
أنا طلعت لي زيها أيام المدرسة في أصابع رجليني
الإتنين :( .. و بعدين لما ما قدرت أتحملها و رحت للدكتور
قال لي إنها طلعت من الجزمة أكرمكم الله ( عشان بحكم
إننا بنلبس الجزمة وقت طويل في المدرسة وبتضغط عالرجل )
وبعدين أظن إنه أعطاني دواء يتبلع والله ماني فاكرة !!
وقال لي لازم تنكوي :( .. وسويت فيلم هندي و شردت
من المستشفى :23: .. وبعدها لما ما قدرت أتحمله رحت وسوى
لي كوي بمسدس يشبه مسدس الغراء :23: أو مسدس الحرق
عالخشب إذا تعرفيه ؟؟ وجابلي الجنان :( ..
( طبعا ببنج موضعي ) والحمدلله أتعذبت كم يوم من
ألم محل المسمار وتأثير الكوي بس بعدها أرتحت الحمدلله ..
بس بعدها بفترة طلع لي تاني :( .. قام الدكتور أعطاني دواء
زي المناكير .. سائل بفرشاة في قارورة صغيرة .. وقال
لي أحط منه بالفرشاة على المسمار كل يوم كذا مرة ..
والحمدلله أرتحت بدون كوي .. بس قعد فترة ألين أتعافى ..
بس كله يهون جنب الكوي ..
وأنا كمان كنت أسوي حركة ماأدري هي غلط أو لا ؟؟
كان لما يطلع راس المسمار على برة ويبرز ويسير يوجعني
وأجلس أبكي وماأقدر أدعس على رجولي .. أجيب شفرة
الموس و أقطع راس المسمار :23: يطلع من جوته شي
زي كأنه شمع !! وسرت أقطع الراس وأحط الدواء أبو الفرشاة ..
والحمدلله بفضل الله أتعافى المسمار ..

وسمعت فيه ياإما في الـ GNC أو في شركة أركوفارما
للأدوية إللي تلاقيها في كل الصيدليات عندهم شي
يعافي مسمار الرجل والثآليل .. أسألي في الصيدلية ..

ومن العلاجات الشعبية إللي سمعت عنها بس بصراحة
ما جربتها وكتير نصحوني بيها ..
إنك تجيبي سعفة نخل و تولعي طرفها عالنار و تكوي بيها
المسمار أو الثآليل وتتعافى !!!! بس والله ما جربتها !!!!
بس كتييير قالولي عليها يعني إنها شي مجرب ومعروف ..

وغير كدة والله يا قمر ما أعرف ..
وكان نفسي أخدمك أكتر .. وما أبغا منك غير الدعاء ..
وأي شي أنا في الخدمة :) ..


تحياتي ..
جــــــــداويــــــــــــة

الله يشفيك
والله ماعندى علم

أهلييييين عين عموري..
سووووري توني أنتبه لردك أختي..!
اللهم آمييييييين..
لاعادي حبيبتي ..
خووذي رحتك..
وحمدلله على سلامة الوالده..
الله يطول لكم بعمرها أن شالله..
وجزاكِ الله خييير..
وبقوول للمتضرر أن شالله..
ويارب يكون عليه الشفاء من بعد الله..

هلا أم أبرار..
الله يسلمك..
مشكوووووووووره على مروورك وردك..