اللي تعرف عن مرض النسيان تدخل تفيدني الله يجزاها خير

السلام عليكم ورحمة الله وبركاته

بدخل في الموضوع ...

صار لي فترة تقريبا ثلاث سنوات .. إذا مو أكثر .. أنسى نسيان مو طبييييعي أبدااا

في البداية كنت أتوقع إني موسوسة .. والله يابنات ما أعطيت الموضوع أي أهمية ..

حتى أهلي .. لما أحكيهم يقولو لا توسوسي ..

الى أن وصلت لدرجة بدأت أتضايق من نفسي .. .صرت أنسى الأشياء القريبة مش البعيدة

يعني أمثلة ..

أتوضأ وأطلع من الحمام الله يكرمكم .. ما يمديني أوصل للصالة . إلا وأنسى أنا أتوضيت ولا لا ..

يعني الفرق بين الوضوء والنسيان ثواني .. والله ياناس معقولة ...

وأقول أعوذ بالله من الشيطان الرجيم .. وأطلع متوضية .. طبعا كيف أعرف إني توضيت لما أشوف علامات

يعني مثلا المنشفة مبلولة .. أو أي شيئ يدل على الوضوء ..

أصلي .. طبعا هذه داااائما .. أنسى أنا في الركعة الثالثة ولا الرابعة ..


وكمااااان ...


مثال اليووووم ... ولدي عنده دواء ياخذه كل ست ساعات .. أعطيته الدواء .. وبعد ست سااعات حاولت أتذكر أنا

أعطيته قبل ست ساعات ولا لا ... مو قادرة أتذكر .. حاولت وحاولت مو قادرة .. وبعدين تأكدت إني أعطيته قبل

ماينام لما شفت الدواء جنبه والمعيار حق الدواء فيه شوية من الدواء ...


أخر مثال ..

كلمت وحدة وكنت أبغ منها أسماء أشرطة كاسيت ... وقالت لي الأسماء والله يابنات إني أردد معاها حتى ما

أنسى .. وسكرت السماعة وكالعادة ... أتذكرت إسم واحد والثاني أنمسح ..

نفسي أعرف إيش المشكلة عشان أقدر أعالجها ... بحثت وبحثت في النت ومالقيت زي حالتي

اخر شيئ أتوصلت له إنها يمكن تكون عين .. على قول الشيخ كل شيئ لو مالقيتوله حل قلتو عين ..


تدرون ليه عين ..

لأني أنا كنت قبل كذا العكس تماما ..

والله يابنات الأرقام حقت الجوالات حافظتها . الطبخات والمقادر .. أبيات شعر . .. أمور كثيرة

حتى مرة وحدة قالت لي ربي راح يحاسبك على سرعة الحفظ هذه المفروض تحفظي القران !!!

سبق وكتبت مشكلتي في منتدى ثاني .. وتقريبا اللي خرجت منه إنهم قالولي السبب هو كثرة المسؤوليات

وفعلا أنا مسؤولياتي ومواعيدي كثيييييييييرة كثييييييييييرة كثيييييييييرة ... .

لدرجة إني أكتبها في نوته ودفتر أعمال يومي .. حتى أتذكر لا يروح يضيع مني شيئ ..

لو أحد يكلمني بالتلفون ويقول لي إيش عندك اليوم الفلاني ... أقول أنتظري أجيب دفتر الأعمال أشوف ..

مرررة مديرة مدرسة على غفلة ...

فأبغ أسألكم .. مين مرت عليها حالة مثل حالتي ... ؟؟


وكمان يابنات إيش الأكلات أو الأعشاب اللي تقوي الذاكرة ؟؟؟

أنا سمعت العدس ... لكن لللأسف ما أحبة مرة ... ممكن أكله لكن بأعتبره زي الدواء مو أكثر

الله يسعدكم اللي تعرف تسعفني ..

ومشكوررااااات أدري ما تقصرووو

ولو ماثقتي بالمنتدى هذا والعضوات كبيرة مانزلت الموضوع عندكم