كلام أم بدر صحيح..

وااايد بنات يستخدمن الكحل السائل لداخل العيون..بس أنا أخاف من هالطريقه..لأن عيوني تحمر بسرعه

أنا أستخدم قلم شارتنه من ماركس آند سبنسر..من ماركة CLASSIC..سعره رخيص لكنه والله إنه أسوووود كحل شفته..حتى أسود من الكحل اللي تكلمت عنه الإخت عطر المحبه بس مش لدرجه كبيره ..كيف عرفت؟؟ لأنه عندي..الوالده شارتنه من السعوديه

بس أخر مره رحت ماركس عشان أشتريه ما لقيت هالماركه..الظاهر إنهم من فتره لفتره يغيرون الماركات..بس إشتريت من عندهم واحد إسم ماركته mien طلع نفس درجة السواد ..بس القلم الأولي كان فيه الإسفنجه اللي تخففين فيها خط الكحل وأنا وايد أستخدمها

والله إن أكثر من وحده سألتني عن هالكحل ..وأغلبهن ما أعرفهن..يسألني وأنا في السوق!

تبين أخبرج الحريم شو يسون عشان يبين الكحل أسسسسسود وفي نفس الوقت خفيف ومرتب؟؟بقول عشان تعم الفايده وتعرف اللي ما تعرف

1) كحلي العين من داخل الجفن اللي فوق واللي تحت ..عيدي عليه أكثر من مره..لا لا قولي أكثر من 5 مرات..وإنتبهي لاااااازم يكون الجفن اللي فوق متكحل تماااااام عشان ما يخف اللون بعد مده

2)العين تكون كااااامل مكحله بنفس الدرجه..يعني الزاويه الخارجيه نفس درجة الكحل عند المدمع..كله أسسسسود

3)وإنتي قاعده تكحلين عيونج..حاااولي تخلين الكحل يغطي المسافات اللين بين الرموش..تحت وفوق..يعني كحلي منطقة جذور الرموش

4)إرسمي خط خفيييييييييييييييف بالآيلاينر أو حتى بقلم الكحل على الجفن الأعلى..لاااااازم يكون خفييييف وااايد يعني يااااادوب ينشاف كأنج راسمه خط ضعيف على منابت الرموش

آآآآآخر شي حطي ماسكارا..وشوفي عيونج كيف بتصير..بتكون لج نظره عمييييييقه وحاده

بصراااااااااااحه حيرتونا
ما عرفنا شو نشتري
في البدايه قلت بشتري اللي من جفنشي
لكن في وحده قالت انه يسيح بسرعه
بصراحه انا ابا كحل ما يسيح ويكون اسود

انا احترت احد يقول جيفنشي يسيح واحد يقول ما يسيح وش السواة الحين؟؟؟
ارسو لكم على بر
والا تبون تخرمون الميزانيه واشتري كل هالانواع اللي قلتوا عنها؟؟
جيفنشي -وشاهيناز-وشانيل- ونينا ريتشي - ووحده قد قالت لي على كلارنس بس النوع اللي ما يسيح بالماء بس ما شريته لحد الان .
هاه وش رايكم وش اجرب؟؟

موضوع حلو..وهذا الواحد ويستفيد..

لو سمحتوا اريد اعرف انا بعد الكحل اللي ينحط داخل العين مو على الجفن...يعني اريد اذا فيه الوان يكون احلى..انا استخدم كحل دينا ..وايد حلو داخل العين صار لي فتره وانا استخدمه وهو زين سعره يمكن 10 دراهم عندنا بالامارات..

كنت بالبدايه لما احط كحل داخل العين احكها وتحمر لكن بعد فتره زال الاحمرار..لان عيني تعودت

تحياتي:13:

وووانا بعد محتااااااااااااااااااااارة شرايكم نسسسسوي تصويت هههههههههههه

انا اقول ان جفنشي ازين مع اني ماشريته بس كذا احس البنات يمدحونه