اللي تعرف لقيمات ((المستحيل))ابي اجربها..

عزيزتي jenna دخلي قسم المعجنات وبتحصلينها هناك :)

على العموم انا سويت copy & paste لطريقتها بس من الافضل انج تدخلين على موضوعها علشان تشوفين الردود على الاسئله..... اتمنى اني افدتج

لقيمــــــاتي ....... احلى لقيمات اكلتها في حياتي ....

السلام عليكم ورحمه الله وبركاته



والله يابنات من يوم ماعرفت هذه اللقيمات وانا مااسوي الا هي لانها روعه وماتكلف مقاديرها في كل بيت وتضبط من اول مره0000
اسويها في اي وقت و في رمضان يعني مانستغنى عنها ابد 0 وانتم ايضا اذا جربتوها بتدمنوا عليها وراح تنسون لقمه القاضي 000
يالله اللي بتصوم الاثنين الجاي فطورها عندي واولهم اللقيمات 00

بالعربي الفصيح لو امدحها يجي بكره وانا ماخلصت ( سويتها برمضان وكان عندي ضيوف وانهبلوووا عليها واخذوها مني )0000

فــــــــــــــــــــإلى :
- م سكر
- م حليب جاف
- ملح
- خميره
- كوب ماء
- كوب ونصف دقيق ( او حسب الحاجه )

--- يخلط السكر والحليب والخميره والملح والماء ثم الدقيق 0
-- يخمر ساعه
-- يشكل باليد ثم يقلى .

** واذا اردتي ضعي معها ( دجاج مسلوق ومقطع صغير + بطاطس مبشور + فلفل اسود + كمون + كركم + قرفه + كاري + بصل مقطع صغير ) يخلط مع اللقيمات ويخمر

** او ضعي معها كراث فقط 0


++ ونسيت نقطه مهمه انك اذا سويتيها فان الزيت لن ولن يتناثر عليك من خلال تجربتي ( وهذا اهم شئ ) 0000

jenna
اسمعي حبيبتي انا ابي اعطيكي طريقتي في عمل لقيمات

المقادير
1ملعقة كبيرة خميرة
1ملعقة سكر مطحون
ملح على حسب الرغبة
1ملعقة حليب جاف
دقيق
الطريقة
تذوبين الخمير في ربع كاس ماءدافي
وبعدين تخلطين المقادير الجافه مع بعضها وبعد ذلك تضفين ربع الكاس المذوب به الخميرة وبعد ذلك تخلطين جيدا وتضعين عليه الماء وتسير معك العجينه متوسطه لاسائله ولاجافه
وتتركيه لمدة ساعتين او على حسب ماتتخمر العجينه وبعدين تحطين زيت بالمقلاه ويكون غزير ولازم
يكون عندك كاسه به زيت وتمسكين العجينه بيديك اليسرى والملعقه بيدك اليمنى وتاخذين من العجينه وتحطين في وسط الزيت وبعد كل ثلاث مرات تغمسين الملعقه في وسط الكاسه

وبالهنــــــــــــــــــــــــــــــــــــــاء والعـــــــــــــــــــــــــــــــــــافيه

واي استفسار انا موجوده