اللي تعرف للملوخيه مضبوط تدخل :) وأكون لها شاكره ...!

اي بنات انا ابيها قبل لا يأذن الظهر بقوم اسوي غداي

شوفي غسليها زين عن الرمل

بعدين فرميها مع شوي ماي في الكاس الخلاط

روحي بسرعه وتعالي بعدين اكمل لك

هلا اختي بعد ماتقطفينها تغسلينها تمااااااااااام التمام
بعدين تخلطينها في عصارة الطماط مو حقت العصير
ولا تضيفين الا كم قطره مويه علشان تتحرك بس يعني في النهايه تصير معصوره ثقييله

وتسوين بصل على النار وبعدين تحطين قطع الدجاج .. وتضيفين كمون وشوي فلفل اسود
وبعدين تضيفين حبة طماطم معصوره بدون صلصه
وتضيفين الماء والملح ونصف حبة ماجي
وطبعا الماء مايكون كثير مره
بحيث اذا نضجت قطع الدجاج تصير الماء قليل بالنسبة للملوخيه يعني مثلا يكون الماء تقريبا كاس والملوخيه كاسين ونصف كتقدير والا انا اسويها بالنظر

وتحطين الملوخيه عليها وتحركينها بخفه واذا بدت تغلي خليها كم غليه بس مو تقعد تغلي كثير وتكونين داقه حبتين ثوم او 3 فصوص
مع كزبره ناشفه مطحونه في شوي زيت واذا حمرت شوي تصبينها على الملوخيه وتطفين عليها النار

وبالهناء والعافيه
اذا ضبطت معك قولي لي ههه

بالماجي ماعمري سمعت

انا بقول لك طريقتي

دجاج مقطع صغير حتى لو ربع دجاجه يكفي اسلقهم مع دارسين كامل وماي وسط وبصل

واط عليهم ماجي واتركهم على النار لما تستوي

بعدين احط الملوخيه واحركها شوي

في نفس الوقت اكون فارمه كزبره خضراء وتوم مدقوق

احط الثوم في مقلاة صغيره احمره بالزيت بعدين احط عليه الكزبره وشوي فلفل اسود

في هذا الوقت تكون الملوخيه طبخت

لاتخلين الملوخيه تطبخ كثير لان كثر الطبخ يخربها

بعدين نزلي الثوم والكزبره عليها وحركيها وطفي النار عنها وحطيها على طول

والملح وازنيه على حسب رغبتك

وبالعافيه على قلبك انتي وزوجك

الملوخيه سهله انك تقطفينها وتغسلينها زين من الاتربه اللى فيها وبعدين تفرمينها بخلاط الملوخيه او الكاس
وبعدين تقطعين البصل صغير وتحمسينه بشوى زيت وتحطين دجاج مقطع صغار وتحمسينه شوى مع البصل حتى شوى بس ياخذ طعم ولون وتكبى عليه ماء حار شوى لا تكثرين وخليه ربع ساعه او اقل تطبخ وحتى يستوى الدجاج وحطى معه حبه مرق ماجى وملح وبهارات
وبعدين اضيفى الملوخيه المفرومه على المرقه وخليها حتى تفور عشر دقايق
ولا تطول على النار حتى ما تسود الملوخيه
واخر شئ سوى شوية ثوم مفروم شوحيه على النار مع كزبره ناشفه وحطيها على الملوخيه فى الفوره الاخيره
يااااااارب اكون شرحت زين وفهمتينى """"" وبالعاااااااااااااااااااااااااااااافيه على قلبك وقلب زوجك
اذا عجبتك ياليت تدعيلى بصلاح زوجى واولادى ويوفق اولادى فى دراستهم :::