اللي تعرف مغربية وتقدر تحصل عالاغراض لاتتردد

بسم الله الرحمن الرحيم
انا اليوم بكتب لكم تجربتي مع الخلطات المغربيه
من كثر ماسمعت عنها بمفعولها العجيب قررت اطلب طلبيه من المغرب وفعلا صار هالشي شفت وحده هنا بالمنتدا كاتبه انها تقدر توصل لخارج المغرب وطحت ولا حد سمى علي مافيه شي ماطلبته
المهم ماطول عليكم اقولكم وش اشتريت
الطين الاخضر اللي يسمونه هم الغسول الاخضر
الطين الابيض بعد يسمونه الغسول الابيض
الطين الاسود اللي هو اللي يسمونه في بعض الدول الطمى
قناع اسمه الزوين يجي على شكل علبت صابون وفيه بودره تشبه النشا بس غييييييييييييييييييير نتايجه
العكر الفاسي الاصلي والفرق بين الاصلي والتقليد ان الاصلي تلقين لونه احمر داكن مع لمعه ذهبيه وتموجات ذهبيه اما التقليد تلقينه احمر عادي وهذا اللي قالت لي عليها ام صديقتي مغربيه
الداد اللي روعه شوي عليه
الحنا المره اللي تستخدم بعد الحمام المغربي وعجييييييييييبه بالتبيض وهي احسن بمليون مره من حنتنا العاديه لان هاذي مخصصه لبياض الجسم
الحنا البضا المغربية صراحة رووعة وخلت جسمي ابيض بياض اللي شافني يقولي ايش استعملتي
خلطة لتقوية الشعر وايد حلوة حق الشعر صراحة من اول ماستخدمتها للحين لاحظت الفرق كتافة ونعووومة وطوول وكلها اعشاب مغربية وريحتها حلووة
بودرة العرق خليت ريحتي ولا في الاحلام قمت استغنيت عن كل مزيلات العرق وبقيت على هي البودرة حتى رفيجاتي طلبوا منها
صابونة الطائوس نوعين وحده بالخزامى وحده بزيت الزيتون
الصابون المغربي الاصلي يجي ثقيل وجامد مثل الفازلين بس لونه بني غامج
والليفه المغربيه ماركتها الكسال
والخزامى الجافه
وخلطة النفقه للشعر مجموعة اعشاب وريحتها حلوه ومعها اضن طين المغربي
واعشاب الحمام المغربي خلت جسمي مثل الزبدة شو اقولكم نعومة ونعومة ونعومة ونعومة وريحة جنان تو استعملها واخرج من الحمام ماندمت اني اشتريتها منها
النتيجه
والصابونه المبيضه استخدمتها حلوه وتنضف وهي احلى مافيها طبيعيه
الصابون المغربي روووووووووووعه مع الليفه تطلع بلاوي وبعدها استخدم صابونة الطائوس بالخزامى
الداد احط ملعقتين منه بكوب ونص ماء واحطه على النار اذا غلى احطه مع ملعقتين حنا مره وعصير ليمونه وحده واحطه على جسمي بعد الحمام المغربي بس ترا الداد عشبه سامه احذري تحطينه على الوجه علشان مايقرب العيون والفم بس رووووووووووووووعه والله حسيت بتغير ويعطي الجسم لون ولمعه روووووووووووعه
وخلطة لتصفية الويه استعملتها خلت ويهي ناصع وابيض وبعدها مباشرة لما خلصت الخلطة الاولى استعملت خلطة ازالة الكلف زادتني جمالا على جمالا لانو كان في كلف وراح ماشاء الله عليها كل اغراضها يهبلووون
والطين الابيض استخدمته مره احسه حلو لبشرتي لانه نشفها وانا بشرتي اقرب لدهنيه حطيته مره وغسلته وحطيت مكياج واستانست وايد من النتيجه لان مكياجي ثبت وما زيت مثل كل مره فقررت استخدمه قبل المكياج بس مانصح اللي بشرتها جافه تستخدمه
الطين الاسود استخدمته مره بعد الحمام المغربي ررررروعه حطيته على جسمي 10 دقائق وشطفته بالماي عطاني نعوووومه ولا بالخيال وانشالله بطلب منه قبل عرسي هي قالت ينحط على الشعر يغذي ويرطب وينعم بس بصراحه ماحطيته انا
الطين الاخضر ينحط كل اسبوعين لانه قوي ومقشر طبيعي حطيته بوجهي مره ساعه على كلامها شلته حسيته مثل الابيض بس من مميزاته يشد وينظف من البثور بس انا الحمدالله مافيني بثور بس احطه ابغي الزين خخخخخخخخخ
والزوين اللي يجي مثل النشا قسم بالله يشهد علي ربي انه خيال هذا اللي جنني حطيته مع ماي ورد ونقطه صغييييييييييره عكر فاسي لانه ملون قوي ماحط حيل علشان مايصبغ ويهي وخليته عشرين دقيقه والله يابنات اني شلته حسيته صبغ وجهي ابيض على وردي والله كني حاطه مكياج يصبغ بنفس اللحظه بس انا ماغسلته بصابون غسلته بماي بس
والخزامي يسون فيها خلطات للحمام المغربي بس للحين ماجربتها الا للبخار بوجهي علشان تعطي نظاره خصوصا ريحتها رررروعه
وخلطة النفقه بصراحه استخدمتها مره لاني احني شعري واذا شفت النتيجه بقولكم واحسها تنعم الشعر وبستمر وبشوف
والعكر الفاسي احط بشفايفي فازلين واحط براس الدبوس من العكر الفاسي بشفايفي وامسحها فيه وانام واذا قعدت نتيجه حلوووه شفايفي منفوخه وحمرااااااااااااااااااا من اول يوم اللي مو مصدقتني تسال اي مغربيه قسم بالله جنان وهي قالت لي طريقه ثانيه اني احط العكر الفاسي بغرشة ماي ورد وارشه على ويهي وجسمي والاماكن اللي ابيها تصير ورديه تعطي اللون الوردي الطبيعي وقالت لي اخلطها مع الحنا بعد تعطي احمر غجري للشعر وانا حطيتها مع كريم همالايا العادي اللي مكتوب عليه كريم مغذي للبشره بالصبار والكرز الشتوي واحط من لكريم برجولي وبيديني اذا نمت واقعد من النوم القاها ورديه رجولي من تحت لونه وررردي طبييييييييييعي وناااااااسه وفيه ناس بالمغرب يحطونه مع نيفيا العادي ويحطونه بوجهم كليوم يعطي لون يجنن وهو من مميزاتها مفيد للبشره ويعطي نظاره ويشيل الكلف والوحمات وبنفس اللحظه يعطي توريد طبيعي ويفتح الشفايف وتقدرون تخلطونه مع اي كريم من كريماتكم اللي تستخدمونها مو شرط اللي ذكرت انا بصراحه النيفيا ماحب استخدمه لان بشرتي دهنيه او مايله لدهنيهبس الحين بعد اقنعتها والصابون والله ثم الله ودعت الافرازات الدهنيه اللي عند خشمي ومعقدتني احس وجهي مخملي وفوق هذا كله كل هذا طبيعي انا بصراحه طلبت منها زيوت كنت ابي زيت القطران واركان وشامبو القطران واركان والبابونج اي شي من هذول الطبيعيه وكريم اركان بس قالت لي مايوصلون بشركات الشحن اشياء سائله وكنت ابي بعد ماي الورد الاصلي لانه احسن شي اللي عندهم وكنت ابي صابونة الكف بس نسيت اطلبها منها وانشالله بطلبها المره الجايه لانهم يمدحونها خصوصا اللي بالحامض صراحة الانسانة هي قمة في التعامل والاخلاق والامانة وماراح اغيرها لانها فعلا تستاهل
وبس طولت عليكم بس والله ابي افيدكم واي استفسار انا موجوده