اللي تعرف واحده عملت تحديد جنس المولود تساعدني بالله

السلام عليكم ورحمة الله وبركاته....انا يا أخواتي عايشه في جده وعندي خمس بنات الله يخليلي اياهم ويجعلهم من الصالحات يا رب ...ونفسي انه الله يرزقني بأخ لبناتي وسمعت عن تحديد جنس المولود ويمكن أجرب هذه المره بس والله مو عارفه ؟؟؟ياريت اذا في اي واحده سمعت عن أحد سواها في جده وعند أي دكتور وكم تكلف تساعدني وتقوللي وأنا أدري أنه راح تقولولي عليكي بالدعاء وكل شي من الله ......أنا عارفه هذا الكلام ووالله دايما بادعي ربي وباستغفر وأملي بالله كبير بس لأني تعبت ونفسي هذا الموضوع ينتهي وأبطل أفكر فيه مع انه انا راضيه وما عندي مشكله اذا ما خلفت تاني هذا نصيبي بس زوجي يبغى ولد مع انه والله رجل متفهم وواعي وعمره ما قال لي أي كلمه ولما كنت أولد في كل مره يجيبلي هديه وبيحب البنات ومو مخلي شي ناقصهم بس انتو تعرفوا العرب يحبوا الولد مهما كان عشان كدا أرجوكم ساعدوني مع انه في بنتي الاخيره جربت الكربونات وتحديد موعد للجماع بس كل شي بارادة الله.....وشكرا