وجربي هذي الوصفه وكليه كحلا يومي
كميات متساويه من كل نوع :
نص كوب شوفان حمصيه على النار دقايق ثم اطحنيه
نص كوب سمسم حمصيه على النار دقايق
نص كوب لوز + نص كوب عين الجمل اطحنيهم
اخلطي المكونات مع بعض واعجنيهم بشوكلاته نوتيلا واعمليهم كورات واحفظيهم بالثلاجه وكلي منه مرتين باليوم سعراته الحراريه عاليه ويسمن .
الصفحة الأخيرة
الفكره من هذي الخلطات الماش والحمص والسمسم والمكسرات والحليب والتمر والدبس وغيرها ان فيها سعرات حراريه عاليه وبنفس الوقت مغذيه للجسم وفيها نسبة بروتين وفيتامينات ومعادن
يعني ماهو لازم تشترينها من الانستقرام او تاخذين نفس المكونات بالضبط انتي اصنعي وصفتك بنفسك لان في وصفات كثير مكوناتها متوفره وسعراتها الحراريه عاليه وتسمن وناس استفادو منها
مثلاً اشوف عند المغاربه وصفه يقولون انها تسمن وتملأ الخدود وتبرز المفاتن ومكوناتها سهله مره ومتوفره بكل بيت
خذي كميات متساويه من كل نوع : حليب بودره + سمسم مطحون بدون تحميص + عسل طبيعي
تعجن المكونات مع بعض ويعملونها اقراص كل قرص حوالي ملعقه ثم يغطى بالسمسم ويحفظ في برطمان او صحن مغلف . . وقبل كل وجبه تاخذين قرص واحد وتاكلينه وقبل النوم بساعه تاخذين القرص الرابع .
انصحك جربي الوصفه المغربيه كإضافه لوجباتك وجهزي كمية واحفظيها بالثلاجه عشان ماتستصعبين تحضيرها وتجهيزها كل يوم
وشفت كذلك عندهم وصفه ثانيه الحمص المطحون او دقيق الحمص يحمصونه شوي على النار كميه تكفي ايام
وبعد كل وجبه ياخذون ملعقه كبيره من الحمص ويخلطونها مع علبة زبادي وياكلونها يعني تشبه خلطة الماش
يعني عشان تسمنين لازم تاكلين 3 إلى 5 وجبات مقسمه باليوم وتزيدين السعرات الحراريه في وجباتك مو شرط خلطات معينه واهم شي الاستمرار عشان تبان النتيجه