اللي تفكر تسوي عملية للمعدة تدخل تقراء موضوعي لمصلحتها

مساء الخير ياحوائيات
انا اول مرة ادخل هالقسم ولقيت الناس تسال عن عمليات المعدة لانقاص الوزن
اللي هي قص وتكميم وتحوير وربط 
وفيه وحدة منزله موضوع بالقسم عن العمليات هذي ابحط رابطه وانتم اقروه
http://forum.hawaaworld.com/showthread.php?t=2363379

انا راح اقولكم الاخطار من وراء هالعمليات 
بحكم ان زوجي يشتغل بمستشفى مع فريق طبي متخصص بهالعمليات
يقول اكثر العمليات خطرة وخاصة عمليات التحوير وهي اخطر شي وعمليات القص خطرة جدا لها مضاعفات احيانا تؤدي للوفاة او الشلل 
واحد عندهم بالمستشفى سوى قص معدة دخل بغيبوبة 6 شهور بعدين صار عنده كلى ومادري ايش  وشلل
وواحد يراجع الحين بزوجته بالمستشفى يقول انه نادم انها سوت العملية اشد الندم يقول ليتها علي سمنتها احسن على الاقل عايشين بنعمة ولاتردد علي المستشفيات الكبيرة وخصوصا انهم مو من الرياض يقول يروح نص راتبي على اجار الشقق
وحالات وحالات  يشيب الراس من ذكرها واغلبها زوجي شايفها وعارف وضعها 
وفيه واحد من الدكاترة من ضمن الفريق دكتور جراح كبير خريج فرنسا يقول قص اصبعك ولاتقص معدتك 
فيه احد الاخطار بعد العملية ان عصارة المعدة تبدا تطلع للخارج ويصير تسمم وهذا خطر جدا
والمشكلة عندنا ايش في المستشفيات انه الواحد اذا سوى العملية وطلع من المستشفى خلاص مايدرون عنه 
المفروض تكون فيه دراسة ومراجعة له كل ست شهور ياخذون الوزن والضغط وتحليل دم لان كثيرين يصابون بفقر الدم بعد العمليات
والدكتور يقول فيه ابرة انيميا لازم تاخذ كل شهر والا يصير عندك فقر دم شديد
وكثير من اللي سووا العملية ندموا اشد الندم لان حياتهم تغير النفسية زفت والاكل مو كل شي يقدر ياكله او يتقبله والمشكلة من اللي يسوي هالعمليات الناس اللي اوزانهم ب100 ونازل والله حرام تضيعون انفسكم علشان عملية تندمون عليها طول عمركم
وبعدين بعد العملية لازم تعيشين على السوائل اول شهر وبعدين شهر مهروس ويالله يالله تبدين تاكلين زي الناس بعد خمس او ست شهور
خلاص سوي بالخمس والست شهور هذي ريجيم وانتهينا
واهون عملية واقل مخاطر ومافيها مضاعفات  هي ربط المعدة 
هذي تقدرين باي وقت تحسين بالملل او تعبتي منها تروحين تشيلنه وخلاص انتهينا
وفيه مقولة زوجي دايم يقولها
اذا مشيت بطريق لازم تحدد خط للرجعة لو ماعجبك المشوار ترجع بدون ماينقطع بك الطريق
يعني لو قصتي المعدة او سويتي تحوير وندمتي كيف بالله تترجعين زي اول 
بس ربط المعدة لها طريق رجعة باي وقت اذا ماحبيت الطريقة
وروحي شوفي اغلب اللي مسوينها متندمين
صح بدت الوحدة تلبس اللي تبي وتسوي اللي تبي بس وش الفايدة اذا صار الواحد مريض او ماله نفس ودايم تعبان
هالعمليات تصلح للناس اللي اوزانهم فوق 150 اللي مرض عندهم السمنة ومايقدرون يمارسون حياتهم الطبيعية 

انا ماقلت هالكلام الا خايفين عليكم والا مالي مصلحة او تحسبون نحيفة وتقولون ماجربت اللي حنا عايشين فيه ونحس فيه
الا دبة ووزني حول المية وزوجي منهبل يبيني انحف بس عجزت
وقالي لو تنهلبين مااخليك تسوين هالعمليات صحيح اني ابيك تنحفين بس بطرق مضمونة ومافيها مخاطرات

واللي عندها سؤال عن هالعمليات واخطارها
انا حاضرة لاستقبالها زوجي يوصلها للدكتور
ويقول ماعندي مانع احط جوالي او ايميلي بس اكيد ممنوع

واعذروني على الاطالة بس كله علشان مصلحتكم

واعذروني اذا فيه اخطاء داخلة من الايفون


ياليت الادارة تثبت الموضوع لمصلحة الجميع