اللي تفكر تهدي زوجها تلفون تفكر مليون مره احسن مايصير لها مثل ماصار لي

:angry:


السلام عليكم




الموضوع طازه له 3 ساعات صاير


تخيلو قبل شهر اهديت زوجي تلفون لانه تلفونه خربان وقلت من فلوسي اشتري له هل تلفون هديه


وشريته وضل شهر وما استعمله امس حط الخط فيه واستعمله


تخيلو اليوم الظهر قعدت من النوم


جان يطالعني معصب

قلت بسم الله شسالفه
قالي احلفج بالله انتي اهديتني الجهاز تجسسين علي والا هديه



:09:انا صرت جذي


قلت خير


قالي سمعتيني



قلت شنو يعني قالي بالسجل لي كل مادشيت شي يطلع لي لازم رمز القفل


قلت شنو يقولي البريد الصوتي شنو يعني


<<<زوجي غشيم بالتلفونات


قلت له البريد الصوتي هو عباره ان كان تلفونك مسكر يطلع للشخص اترك رسالتك بعد الصفاره


ولمن تفتح تلفونك تسمع البريد الصوتي انت تحط له رقم وتصير تسمع الرسايل


سكت


قالي العداد مال التلفون ليش فيه قفل


قلت ورب الكعبه ماعرف شنو يعني العداد يوم اطالع والا هو عداد الرسائي والمكالمات


قلت هذا ميزته يعد الرسايل الصادره والوارده بس مايحفظ شنو مكتوب


قالي والصوتي الصادر والوارد



قلت هذا المكالمات الصادره والوارده مايسجل شي


ووريته تلفوني مثل تلفونه السجل وكل شي



وتخيلو عصب قالي ما اصدقج


والله مسكت المصحف قلت اقسم بالله العظيم انه ماتجسست عليك ولا سويت شي بالتلفون

ولو ابي اتجسس عندي مليون طريقه وطريقه مو بالجهاز


قلت له ليش خايف


قال ماني خايف

قلت اللي يسوي هل شي هو اللي خايف وعنده شي


يا بنات اللي جنني زوجي 24 ساعه بالبيت وتلفونه قدام عيني


يعني ليش فكر هل تفكير فيني انا اتجسس عليه


والله مت من البجي ولا رفيجتي جتني على فجاه سمعته وهو يصرخ وانا معصبه عليه


حاولت تهدي الموضوع وفهمته انه انا والله ماسويت هل شي وحتى تلفون رفيجتي فيه نفس الشي


اللي قهرني قالي لو بسوي شي اسويه ماتمنعيني


انا قبل هل مره مسكت عليه شغله وقلت لاهله عنها ومن يومها تعدل


بس بعدها والله ماقمت اتجسس ولا اطالع شي من وراه لانه مابي انصدم واعور قلبي اقول بالطقاق دام قاعد بالبيت وقدام عيني خلاص مافي خوف



بس مليت والله مليت وتعبت افهم فيه ورفيجتي تفهم فيه


وبالاخير ضاع حقي ليش اني عصبت وقمت ابجي وطولت صوتي وانا معصبه


دايم لو هو غلطان يطلع الغلط مني بس والله ماقدرت امسك نفسي


شاريه له التلفون ومستانسه واهديته اياه ومع هذا جذي يجازيني



:44::44::44:



هذا درس حق كل وحده تفكر تشتري تلفون لزوجها



كل وحده تشتري عطر ووايد عليهم عشان تختصرين مشاكل



<<<<ميته قهر طلعت الهديه من خشمي والله على كثر ما استانست انه اهديته هل تلفون على كثر ماندمت وتحسرت لو موفره فلوسي لي ابرك والله



:angry: