مشكورررره اختى الكريمه

صحيح كلامك .. الله يعطيك العافية .. فعلا التغذية لها دور كبير في صحة الشعر كثير مننا يعاني من تساقط الشعر واهم اسبابه الانيميا وفقر الدم لكن بتلاقي الوحدة بتزييت شعرها وتهتم فيه قبل ما تعالج المسألة الاهم والسبب الرئيسي

الاخت اللي سألتني عن حال شعري الآن اقولها انه في احسن حال بحمد الله
انا عندي حاله نفسيه من سنين باذن الله اتخلص منها في اقرب وقت وهي عادة تنتيف شعر راسي كل ماجلست افكر او اتفرج تلفزيون
ولكن بحمد الله مع التغذيه الجيده واخذ الفيتامينات اللازمه في كل صباح ومع تعديل نومي وعدم النوم في النهار --- الحمدلله شعري اللي انتفه يطلع في شهر واحد بمقدار واحد سم
وهذا الشي الطبيعي
اما الشعر الباقي فيطول بشكل طبيعي سم او سم ونص كل شهر
بس راح تلاحظي على شعرك الصحه واللمعان والقوه وعدم التساقط والحمدلله حتى البشره والجسم بكامله ملاحظ عليه النشاط والشباب الدائم وجمال الجلد والبشره
ارجع واكرر -- افطار غني بالبروتين والحديد في بداية اليوم = صحه ونشاط وجمال
انا طريقتي هذي الايام الافطار موزه وكوب حليب طازج قليل الدسم وتفاحه واذا ابغى تمر اكل تمر معاهم
مممكن اغير واكل كبده مثلا او بيض او اسوي اكله تدخل فيها مكونات غنيه بالحديد والبروتين والابتكارات كثير وراح اعطيكم مثال
في صينية بايركس صغيره قطعي بصل وبقدونس وملفوف وطماطم وزيتون ولو تحبي اضيفي بطاطس واي خضار تحبيه
واخفقي بيض العدد اللي تحبيه وحطي شوية ملح وفلفل اسود واخلطيه وصبيه على الخضار ودخليه الفرن لحظات وهو جاهز واستمتعي باحلى والذ عجه غنيه بالحديد والبروتين
المهم المكونات غنيه بالبروتين والحديد والكالسيوم والاكله على مزاجك انتي تبتكريها وبطريقتك
ابغى اوضح أمر عن طريق طرح مثال
الاطباء احيانا ينصحونا بعدم شرب ادويه معينه على الجوع مع التشديد
لقوتها ولامتصاص الدم لها بشكل اسرع اذا كانت المعده خاويه
وهناك ادويه معينه ينصح باخذها قبل الاكل والعكس ايضا
معناته المعده وهي خاويه تمتص اي ماده وبسرعه وتنقلها للدم بسرعه كبيره
اذا كانت مواد مفيده راح تنفعك
واذا مواد قويه وغير مفيده راح تضرك
والادويه فيها القوي وفيها الخفيف
والله اعلم بس حبيت انقل لكم تجاربي واشكر كم على الردود

الف شكر لك
الله يرزقك كل خير
ويرحم والدينك
ويحرم يدينك من النار
ويصلح حالك
وييسر امورك

ربي يخلي; لعين ترجيك

الف شكر