شكرا حبيباتي

عندك ريجيم اللقيمات كلي من كل شيء شيء بسيط يعني تذوقي فقط وتنحفي في الشهر خمسه كيلو

زودي الرياضه

ماعرف طريقته بالغالية

اللي ردو ما قصرو

وخذيها نصيحه بلا نقاط بلا بطيخ

صححي طريقة طبخك بحيث يكون مشوي ومسلوق وبدون دهون وشحوم + واختاري نوعيته قليل السعرات مثل الاعتماد على السلطات الورقيه والخضار الغير نشويه + تقليل كمية النشويات في اكلك لنص الكميه ويفضل استبدالها بالبر

وتقللين السكريات بشكل عام في كل شي واكثري شرب الماء وارقصي كثير او هرولي وشوفي خلال شهر كيف جسمك ينحف

وابعدي عن المايونيز وزبدة الفول السوداني والحلاوه الطحينيه والطحينه والنوتيلا
اقرأي عن السعرات الحراريه في الاطعمه وبتعرفين كيف تختارين الاكل اللي يفيدك ويشبعك وبنفس الوقت ما يسمنك

تدرين لو استغنيتي عن الزيوت والشحوم والمايونيز وزبدة الفول السوداني والطحينه والحلاوة الطحينيه بالاكل تقللين السعرات الحراريه بالوجبه 100 سعره حراريه !!

كذلك الامتناع عن السكر لو كنتي باليوم تاخذين 2 ملاعق كبيره سواء بالعصير او الكوفي او الشاي بتوفرين على نفسك حوالي 100 سعره حراريه

وقيسيها على جميع الوجبات بدال ما تحطين ملعقه جبن حطي نص ملعقه والخبز بدال ما تاكلين كامل افتحيه شريحتين واعملي منه 2 ساندويتش وكثري فيه خس وخيار وطماط عشان يعبي معدتك ألياف

اتمنى فهمتي قصدي جربي طبقي الطريقه شهر شهرين وشوفي النتيجه

وترى عادي اذا اشتهيتي شوكلاته او حلا او شيبس تاكلين قطعه صغيره بالاسبوع ما تحرمين نفسك