اللي تفهم شخصيه الرجل الجنوبي تدخل بسررررررعه.. اللي ماتعرف هالامور لا تتعب نفسها

قبل كل شي
اللي ماتصدق بوصله الشخصيه او ماتعرفها لاتتعب نفسها بقراءه الموضوع


في بنات نصحوني اقرا عن نمط زوجي الجنوبي
وانا قرأت واستفدت كثيررررر وخففت من شماليتي
صرت اضم زوجي يوميا
وادلعه بالكلام الحلو
واتفنن له بالطبخ واللبس والجلسات الحلوه
واطبطب عليه اذا شفته متضايق
واتغزل فيه وبصفاته الحلوه
واتدلع واقصر صوتي واحيانا اهمس بالكلام

وتحسنت علاقتي بزوجي 180 درجه
صار يجلس معي كثير وخفف من سهراته
وصارت علاقتنا الخاصه افضل وبمرات اكثر
وصار حنووون معي ويسألني دايم عن احتياجاتي
وصار يحكي لي عن كل تفاصيل يومه


لكن اليوم طلعنا انا واياه نتقضى للبيت
وانا طالبه مكان معين.. هو اخذنا مكان ثاني
قلت له بهدوء: هذا مكان مو حلو وصغير!
قال: ليه التعقيد.. انزلي بس مو دايما تصيرين نشبه!
انا سكت ونزلت معه وانا معصبه من كلمه نشبه!!
وكنت اقول له اغراض البيت بشكل رسمي
وهو راح عند قسم الكاكاو.. قال: تبين؟ قلت لا شكرا
قال اعوذ بالله ناشفه!
مارديت
ركبنا السياره
وقلت له بهدوء: انا ناشفه من اسلوبك.. انا نشبه؟
جلس يقول كلام سخيف واني حساسه
وانا قلت له: مدري ليه كلماتك معي جارحه بدون اي لزمه
وسكتنا
ورجعنا البيت
وهو فجأه نزل الاغراض وطلع
رغم اننا كنا متفقين نتعشى ونسهر سوا اليوم
دقيت عليه جوال وسألته: بتتعشى برا؟
قال: ايه
قلت: ليه مو متفقين نتعشى مع بعض؟
قال: انتي مطنقره اليوم!
قلت: انت اسلوبك يضايق.. توقعتك تعوضني بالسهره مو تنكد علي وتروح تسهر مع اصحابك وتتونس!
قال: يعني انتي داقه تنكدين علي؟
قلت: لا روح انبسط.. درب السلامه.. وقفلنا


انا من بعدها وانا مقهوووووره
اكتشفت كل شي سويته معه كان وقتي وماله قيمه
ومن قهري قررت ارجع لشماليتي من بكرا
وانتو اكيد عارفين ايش يعني شماليه
يعني ماراح اعطيه وجه
لانه فاقع مرارتي
الجنوبي انااااااني ونظامه الهروووب من المشاكل
هذا الشي مستفزززززز
وانا دمي حار واذا انقهرت اكل بنفسي
هذاني جالسه بالبيت لحالي.. مثلي مثل الكرسي
وهو راح يسهر مع اصحابه
رغم اني كنت مجهزة مفرش جديد ومسويه حمام مغربي امس
كسر خاطري الله يكسر خاطره
يمكن غلطتي الوحيده اني لما زعلت كنت شماليه
كنت متكتفه وصوتي حاد وناشف واتحرك بسرعه
لكن برضو مو مبرر

ياربي ما امداني اتهنى هالاسبوعين الا يرجع يقهرني