اللي تقدر تساعدني اتمنى انها ما تبخل علي

السلام عليكم ...
ما بطول وبدخل فالموضوع على طووول ...
في موضوع خطوبه بس ما تم للحين لاني افضل اني استخير بدال المره 7 مرات علشان ارتاح نفسيا ... لاني جد اخاف من موضوع الزواج ...
المهم صليت الاستخاره و بكل مره احلم حلم .. ومو عارفه اذا كان هالحلم دليل او لاني كنت افكر بالموضوع قبل لا انام..
بس خلوني اقول لكم شنو حلمت لاني جد مو عارفه شنو تفسير الحلم او المغزى منه ...
اول حلم حلمته كنت بمحل مجوهرات وكانت ام العريس واخته معاي وانا كنت اشوووف لي شبكه واكسسوارات وامه كانت كانها مو عاجبنها وكل ما اختار شي تقول مو حلو وانا كنت اكلم ولدها عالموبايل وهو يقولي ما عليج من احد اللي يعجبك خذيه .. وهي تقول انا مو عارفه شنو عاجبه فيه بس اخته جت يمي وقالت لي خذي اللي تبينه ولا تزعلين من كلامها ...
استخرت مره ثانيه وحلمت اني ببيتهم كان بيت كبير بس كنت اتمشى بالحوش لوحدي شوي الا جت بعد اخته وتمشت وياي وقالت لي تعالي داخل قلت لها مابي امج مسويه عزيمه وحريم عندها وانا مابي ازعجها واستحي .. قالت عادي تعالي بروح وياج قلت لها لا انا بروح غرفتي .. دخلت الغرفه وكانت بيضا وزرقا بيبي بلو و كنت ارتب السرير شوي دخل هو كان يسولف وياي وبعدها بشوي احد دخل علينا بس كانت حرمه منو ماذكر وقمت من النوم ...
المره الثالثه..
حلمت اني كنت رايحه بيتهم وكنت عند الباب و حرمتين واقفات وانا كنت مغطيه ويهي والباب كان مفتوح شوي وشفته بس قلت للخدامه تناديه شوي الا وحده من الحريم تقول صبري قبل لا تدخلين بشوووفك .. وقامت تتفحصني وتشوفني شنو لابسه بيدي وتبي تشوف ثيابي ...

رابع حلم وبعد ..بعد الاستخاره حلمت انه هو كان فرحاان مره وكان ماخذني بيتهم علشان اتعرف على اهله وودخلني غرفه غرفه علشان اسلم على خواته و امه ...

ادري وايد احلم بس هذا اللي صار لي ... اعرفه انه مو قسم تفسير الاحلام بس اللي عندها خلفيه لو بسيطه .. تقولي ...

اتريا ردودكم بليز...

لا اله الا انت سبحانك اني كنت من الظالمين