السلام عليكم ورحمة الله وبركاته
صباح ومساء الورد لكل الحلوات
كنت جالسه انا ومجموعه من البنات وكان محور الحديث كالعاده عن الزواج
في مننا البنت وفي المتزوجه وفي المطلقه<<<<<<<انا
.gif?1263710650)
وحده من البنات ذكرت كذا قصه عن بنات تعرفهم اللي تزوجت عن طريق خطابه واللي عن طريق اهلها يخطبون لها
او يرسلون ناس لشخص معين يمدحون بنتهم(وهاذي اكثر شي اشوفها قاعده تصير الحين )
واللي انخطبت بالسفرواللي عن طريق النت وتكلمنا عن طرق الزواج بشكل عام
المهم رديت وقلت الزواج قسمه ونصيب مهما صار كل انسان ياخذ نصيبه من الدنيا
ردت وحده من البنات وقالت لااااااااااااااااااااااا مو كذا
احنا تفاجئنا واستغربنا
من اندفاعها وانطلقت علينا بها الكلام
قالت ليش حاصرين هالكلمه عالزواج مافي اي دليل ولا اثبات عليها انها محصوره بالزواج صارت هالكلمه شماعه نعلق عليها اسباب تأخر الزواج
صحيح كل شي الله كاتبه بس كل شي بالدنيا لازم نسعى له لو بالدعاء
المرض له اسباب وهو من الله واحنا نسعى ندور العلاج
المال اللي هو زينة الحياة ورزق من الله ماراح يجيك وانتي متربعه في البيت لازم نسعى له عشان نحصل عليه
الشهاده ماراح تاخذيها وانتي جالسه بالبيت
التاجر ماراح احد يشتري بضاعته اذا ماعرضها للزبائن
الوظيفه ماراح تجيك اذا مادورتي عليها
كل شي في الدنيا مقدر ومكتوب بس لاااااااااااااازم نسعى له عشان نحصل عليه بطرق صحيحه وشريفه
ردت وحده من البنات قالت كيف ندور عرسان ونعرض انفسنا
قالت الدعوه مو بيع وشرى بمقابل
الزواج احتياج لشخصين بالارتباط ومو عيب البنت تختار الانسان اللي بترتبط فيه طول العمر بكذا طريقه شريفه والدنيا الحين مو زي اول الناس شوي ويعرفوا بعض ومنغلقين
موتجلس الوحده تنتظر اقاربها ولا جيرانهم ولا ولا............
صراحه ماعلقنا ولا ردينا وتقريبا شبه مقتنعين بكلامها
وافترقنا من جلستنا وكل وحده راسها مفتر
وتفكر في طريقة البحث عن 
انتو ايش رايكم بالموضوع
وين مذكور قسمه ونصيب محصوره بالزواج ؟
وهل فيه دليل من الكتاب او السنه انو الزواج مانسعى له او انه مثله مثل اي شي بالدنيا لازم نسعى ونجتهد فيه؟
انتظر مشاركاتكم
اللهم ارزقنا جميعا بالرجال الصالحين
دعواتكن لي انا واختي واخوي بالتوفيق والهدايه
وارزقنا جميعا بالرجال الصالحين
البحث عن الرزق والسعي له امر مطلوب
لو تبغوا وظيفه كان ماقلتوا قسمه ونصيب اكيد بتبحثوا لييييين تحصلوا عليها الزواج نفس الشي بس بطريقه شريفه او انك تطلعي تخلي الناس تشوفك اما متربعه على قولتك بالبيت وتنتظر النصيب ولا جاها وتقول نصيب طيب ابحثي عنه
ايضا الوحده اذا ماحملت تعالج تبذل كل الاسباب الله سبحانه قال ادعو لكن بنفس الوقت طلب منا بذل الاسباب