ماله علاقة أعرف بنات ببيتهم ما يخلا من الزيارات والمعارف ومانخطبت وأعرف وحدة فالأربعيانات ما تخلي عرس ما تروح له وموظفة وأمها إجتماعية وزيارات بيتهم مفتوح للناس ولا إنخطبت..وفي بنات ما يطلعون وعادي جدا تشوفون حد ياهم و خطبهم..أنا غيرت وظيفتي مرتين على أمل الناس تشوفوني وتتوسع علاقاتي ولين أحين مانخطبت ورغم إني من عايله لها وزن إجتماعي بس سبحان الله..هذا دليل إن الموضوع نصيب وأرزاق إلا الزواج ما تقدرين تسعين له لان مب حلوه في حق الوحده وحق أهلها ترسل ناس وتعرض نفسها بطريقة مكشوفه..الحل إنج تسعين بين أيد رب العالمين وتدعين له وتتذللين..بس مب للناس عمرهم ما بيعطونج أو بينفعونج في زواج..

ايوه كلامها صحيح 100% اسعى ياعبدي وانا اسعى معك كل الحريم تزوجوا عن طريق كذا ام امها تمدحها او انها كل عرس كل عزيمه متكشخه وتطلع وتخلي الناس تشوفهااااااا

وفي ناس العكس يعني تطلع ورتوح وتجي ماحد شافهاااا يعني انا اقول صح قسمه ونصيب لان سبحان الله كل شي مكتوب لبني لادم من قبل لا ينولد بس مافيها شي البنت تسوي اللي عليها

يارررب ياسميع الدعاء أرزقني أنا وكل البنات اللي قالوا أمين عاجلا وليس اجلا من قلبهم بالازواج الصالحين برحمتك ياكريم

لا حول ولا قوة الا بالله
كل شيء في الدنيا قسمة ونصيب اذا اراد الله جل في علاة يتم راح يتم اما اذا ماراد والله لوتوصلين للثريا ماتحصلينة
حنا ماننكر ان العمل بالاسباب مطلوب لكن نؤمن ايمان تام ان كل شيء بيد الله جل في علاة

وحدة عروس سمعنا عنها كم ساعة وتدخل قفص الزوجية صلت العشاء ومارفعت راسة ماتت لان الله ماراد انها تتزوج

يعني مستحيل اذا كتب الله لك شيء راح تحصلينة واذا كتب مايتم لو تنطبق السماء اراح يتم
هذه قناعاتي والله لايجعلني اغيرها طول حياتي وطبعا معروف ان الدعاء يرد قضاء السوء طبعا بعد ارادة الله جل في علاة

كل حاجه قسمه ونصيب
اوكي خرجت للناس وشافوني وجاو يخطبوا وماصار نصيب مع العائله هدي
كل حاجه مقدره ياقلبي
ولايغير القضاء غير الدعاء