اللي تمدح فانونيسا تدخل .. واللي بتروح لها تدخل للاهميه

السلام عليكم
كيفكم ..
بتكلم اليوم عن السفر الي اندونيسيا بما اني جايه قبل اسبوع والله ماصدقت ارجع الرياض انا بصراحه لما قال زوجي بنروح سكت فتره ماني مستوعبه كلامه لاني كنت شايلتها من راسي المهم هو عزم وقال بنروح قلت اوك ورحنا ..قبل مانروح قرات كلام كثير كثير بس للاسف ولا شي طلع صحيح والله ماكنت متوقعتها كذا بصراحه زباله وخساره كل ريال فيها طبعا تخطيطنا رحنا بونشاك -باندوق-بالي-جاكرتا حجزنا فنادق من هنا الا فبونشاك قالو اغلبها فلل ومايحجزون الا اذا جيتي شخصيا المهم وصلنا جاكرتا وعلى طول رحنا بونشاك ندور سكن وفله علي مدح الناس فالفلل ولفينا لف فيها طلعنا ونزلنا ودخنا فالسياره كله عشان نحصل فله ولقينا اكثر من وحده بس وربي زباله ماتقدرين تجلسين فيها انا مستغربه بس الناس اللي تسكن فيها والحمامات شي اخر مقرفه جدا رحنا فوق فالجبل والمنطقه تخوف يابنات والله رعب في مجمع فلل غير الشباب بالدبابات مناظرهم تفجع وغير كذا مافي امن وهدوء يخوف مو الهدوء اللي يخليك رايقه وقالنا للسواق علي منطقه قال لا هاذي اغلبها شباب وبنات وشراب وقلت حيا المهم بعد اللفله انهدت اجسامنا من التعب واخذنا وحده اقدر اقول انظف شي دخلتها دخلت بتحمم بس ماقدرت المويه تنزل وسخه ومره بادره وفجاءه تنزل حاره المهم خرجت وماتحممت وغسلت وجهي بمويه معانا جبنا عشا الله يكرم النعمه ماكلنا الا الحمص ومن اكلنا اللي جايبينه معانا ونمنا واليوم الثاني دور زوجي فندق وعلي طول خرجنا .. مانصح بالسكن فالفلل مره .. المهم رحنا الفندق ودخلت نظيف يلق لق ماشاء الله وصاحبه صيني ومهتم فيه ..بس برضو بوفيه الفطور مو ذاك الزود
انا بصراحه كنت مجهزه اماكن نزورها وفعلا رحنا لاكن بصراحه ماتسوى افضل مكان انبسطنا فيه حديقة تشيبوداس والسفاري بس لاكن غيرها مافي كل مكان اخس من الثاني ..والشعب فقير جدا ويشحذون ويجرون معاك طول مالسياره تمشي ولايخافون بس الحمدلله السواق اللي كان معانا كان يخاصمهم ويروحون وحتى فالمطار يشحذون ويطلبون الهديه لاكن مانكلمهم ولانرد عليهم ويسكتون
المهم جلسنا فبونشاك تقريبا خمسه ايام علي مدح الخلق لها اللي للاسف طلع كذب ومشينا منها علي باندوق وبصراحه زي اختها الحمدلله كنا حاطين فيها يومين بس واحس المنطقه هاذي تسوق والغرض من روحتنا لها المياه الحاره ورحنا وليتنا مارحنا المكان معفن وبعيييييد اخذنا مسابح خاصه واتقرفت انزل فيها غسلت رجولي بس وخرجنا منها رحنا مجمعاتهم وشارع الجينز وتمشينا فيها ..وبعرها رحنا علي بالي طبعا اجواها حاااره المهم حجزنا فله وفندق الفله يومين وبعده فندق فمنطقة كوتا المهم دخنلنا الفله كانت مطبخ وجلسه مفتوحه وغرفة النوم والحمام مقفله وبصراحه الاجواء فيها خيال وقلت لزوجي خلاص نجلس فيها ونكنسل الفندق جلسنا فيها وانبسطنا والعصر خرجنا رحنا تعشينا ورجعنا وهنا المفاجاءه اول مافتحنا الباب قابلتنا الحشرات والحلزونات ونادينا العامل وجاء كنسها وقلت شي طبيعي عشان الزرع وكذا المهم دخلنا الغرفه ووقفلنا الباب عشان البعوض وكانو مجهزين السرير بالقماش الخفيف اللي تقفلينه وقت النوم ويوم حطينا روسنا بنام قالت بنتي ماما دودو وارفع راسي الا هاداك الوزغ (بريعصي) واه ياقلبي قلت مابنجلس فيها خلاص ونمنا هذيك الليله فيها لان السواق راح ويدينا علي قلوبنا عجزت لانام كل شوي اقوم واليوم الثاني خرجنا منها وتوبنا حجز الفلل ..
تمشينا فبالي وبصراحه اجمل مافيها الشواطي حقتها بس ماتنفع للي معاهم اطفال كبار لان اغلب الدنيا مفاصيخ شي يفجع بصراحه وبس انتهت رحلتنا بجاكرتا اللي خلينها تسوق بس وطبعا حجزنا ففندق فخم وبصراحه جاكرتا بس تسوقنا فيها وتنفع للتسوق لاكن اماكن ماتمشينا فيها ..
وبس رجعنا الرياض وهاذا مختصر رحلتنا لاندونيسيا اللي ماراح حتى افكر مجرد تفكير ارجع لها ..
وبالنهايه اللي ودها فشرق اسياء تروح دوله غير اندونيسيا..لان مقرفه وزيدي ميزانيتك وروحي دوله افضل ..