اللي تمر بنفس ظروفي او اللي عندها حل تساعدني

السلام عليكم ورحمة الله وبركاته



ابغى اتكلم مع احد يفهم ويستوعب انا وش احس فيه ... مالقيت الا انتم مع ان الكتابه مش مثل لما الوحده

تتكلم وجها لوجه ... بس ان شاء الله القى عندكم حل


انا مشكلتي نابعه من اللي مفروض اشكي لهم مهوب اشتكي منهم ... الوالد والوالده منفصلين من 7 سنوات

وطول الفتره هذه متحمله المسؤؤليه اللي كسرت ظهري بدون اي رحمه من الوالد ولا شكر منه او من اخواني

البنت عند الوالد مجرد شغاله يذل فيها بدون ماتتكلم وان نطقت بكلمه ياويلها ... طبعا الذل من طلعنا على الدنيا

في البيت وقدام الناس ... عشان كذا مالنا اي قدر واحترام عند الناس لان اللي ماوراه سند الناس ماتحترمه :44: لا هو باللي جايب شغاله ولا هو باللي متزوج .... ولا هو باللي مخلينا نشوف الدنيا على الاقل نسجل بدورات .... طبعا مرفوض لانه ماراح يدفع ولا ريال ....مصروف البنت في الشهر بس مئه وبعض الاحيان يسوي

تخفيضات ويعطي بس خمسين .... (( بالله وش تكفي له )) :44:

والحين نازل راتبين مكرمه والى اليوم ماشفنا ولا ريال ... بس نشوف كيس لحم داخل وكيس سمك وخضروات

وفاكهه ... لان الاكل عنده اهم شي بالحياه ((( مع العلم انا واخواني ماناكل لا خضره ولا لحم بس هو ))) ودايم

يشتكي اتا شاريهم بالمبلغ الفلاني .... ((( طيب حنا ما طلبنا .. حنا نبغى مصروف :icon33:)))

الوالد من عمره مايحترم احد و يتمشكل مع اي احد وياما وياما تمشكل مع اخوانه ...

هذا غير المراقبه الغيييييييير طبيعيه لنا في البيت وخاااااصة البنات ... ((( في اكلناوشربنا متى ننام ومتى


نصحى وش عندنا وماعندنا .... اذا بتنظفين نمليه اوثلاجه اواي حاجه يجلس يشوف (((( ياااااااربي )))


هذا غير ان فيه (( عواجه ))) واللي مخليه يقوى علينا اكثر انه دايم يقول انتم ماعندكم احد ماعندكم غيري


لان الكل يحاول يتجنبه لانهم عارفين انه راعي مشاكل ..... وللاسف هذا اثر على سمعتنا كثثثثثثثثثثثييييير



ووقف نصيبنا <<< لان الاهل مايفكرون ياخذون وحده فينا لان مايبغون يناسبونه واذا جا واحد غريب وسال عنه بعده مانسع عنه خبر...ز
طيب حنا وش ذنبنا ......


كل ذا الصبر والحمل اللي شايلينه ويقول انتم ماسويتولي شي ....:mad:

ودايم المدح في بنات خواته بس حنا مستحييييل <<<وللاسف نفس الطبع في الوالده دايم بنات الناس احسن منا واي احد يسال عن اي معلومه بحياتنا يجاوبونه واذا سالنا قالو مالكم دخل بالناس

انا الحين تعبت تعبت تعبت ... والصبر مل من صبري ... وصلت للثلاثين ... ضيعو عمري بدون مايعطوني اي فايده


عطيت ومااخذت الا الجحود والنكران ... في من اخواني اللي وصلو للجامعه .. طلبت انهم يمدون شي بسيط من المكافاه تقدير لخدمة السنين ... مالقيت الا الجحود .... حتى هم نزلت لهم دبل المكافاه بس ماشفت شي


لييييييييييييه :icon33:


الوالده استلمت ورث جدي راحت مع اخواني الاولاد مكه ... طيب وحنا يالبنات


اخر شي اقول كلمه كل يوم جسمي وعقلي ولساني ونفسيتي يرددونها


تعبت تعبت تعبت تعبت تعبت تعبت تعبت

اللي عندها حل تقولي .... طول هذه السنين وانا ادعي وادعي وادعي .... بس ابغى احد يساعدني

ابغى اشوف حياتي...