الله يشفيكم ياقلبي ويرفع عنكم

بقولكم قصتي يابنات من كنت بالمتوسط بدات الحاله عندي لاشعوريا وصرت كل ماجلس على التلفزيون هاتك تقطيع لدرجه اهلي كانو يقرفو مني ويخاصموني وكل ماشافوني يضربوني وطورت الحاله لدرجه والله البنات بالمدرسه يضحكو علي
وانا لاحياه لمن تنادي كنت احاول اربط شعري بطرحه وتلاقوني احووووووووس عشان اطلع شعره
امهم جلست سنيين الله على هالحاله لين ماعديت اخواتي ثنتين كانو يخاصموني واقولهم والله متعه جربو وشوفو وجربو مساكين وادمنوها
قعدت وانا بالثانويه اشوف البنات وشعورهم واتحسف على شعري
المهم قررت اني اهتم فيه واني اسويله خلطات وحنه
كنت بالذات بنهايه الاسبوع عاى طول حنه واحط فيه زيت عشان فايدته وعشان ينزل من شعري بسرعه ولايتعبني
الشي الثاني كنت اروح مكه واغسله بزمزم وادعي ربي من قللللللبي انه يبعد عني هالعاده السيئه
وكل صلاه وكل سجود واخر الليل بس ادعي والله قرفت من شعري ومن شكلي لانه بجد يكرهك بالخرجات
ماطول عليكم والله الحمدلله بطلت بس يبغالها اشوي عزيمه وتتوكلي على الله وتكثري دعاء وتشغلي نفسك
واذا جلستي على النت او التلفزيون اربطيه وجيبيلك شي تنقنقي عليه زي فصفص فشار عشان تنسي
وققت النوم برضه اربطيه ولاتفكري كثير
المهم انا الحمدلله الحين تقريبا بطلت نااادر امسك شعري الا اوقات بس عا خفيف ماياثر بالذات وقت الحمل
لكن اخواتي مازالوا وهم حاقدين علي حقد يقولو خربتينا وانتي بطلتي ههههه
الله يشفيكم ويعافينا ويعافي اخواتي ياارب

ايوه والله عجبتني فكره
اللي تقول احلفي وكل ماقطعتي قومي صلي ركعتين

السلام عليكم
كيفكم بنات
ويني عن هالتجميع والله توني ادري عنة ..
انا مثلكم تعبت من هالحالة بس مادري هي من الفرد والا لا انا يوم كنت بمتوسط سويت فرد لشعري وبعدها راسي تجرح وصار يطلع دم دايما وامي ماهتمت ولا ودتني الطبيب ومن بعدها من كثر راسي مايحرقني صرت انتفة عشان ارتاح يعني هالحالة ماهي نفسية على حسب تجربتي وللاسف من يومها وانا للحين انتف تقريبا عشر سنين امي تقول عين لان شعري يوم فردته كان كثييير مرة ودايما ينهبلون علية والحين ياحياتي حبتين للاسف حلقة مرتين ابي اترك العادة ماقدرت لبست باروكة مافي فايدة كلها حلول مؤقته مرة قريت تجربة وحدة اعجبتني قالت جبسي اصبعك اللي تنتفين فية وبتتركينها انا جربت لزاق الجروح وجابت نتيجة معاي بس عيبها لازم تكون معاك عشان لو انفك وكذا ودي اتواصل مع بنات عالخاص او الايميل افضل عشان نكون قريبين من بعض ونفيد بعض بالحلول واذا زاد العدد سويت قروب وتجمعنا فية :(
الله يشفينا جميعا يارب ويشفي صاحبة الموضوع

ويني عن هالتجمع صلعت من التنتفففففف حالتي ميؤؤس منها الله يشفيني ويشفيكن

زغللت عيوني قريت الموضوع من اول الى الاخر وضحكت من قلب على اللي تمرر الشعره على وجهها وتتلذذ بها لانها نفس حالتي المهم انا صرلي تقريبا سنتين ماانتف /سالتكم بالله قولوا ماشاء الله / لاتلوموني خايفه الحاله ترجعلي المهم لاتفكرو كتير وحاولو ماتنامو بالنهار عشان تنامو باليل طوالي وماتنشغلو بالنتف وعلاجها بسيط مره انا كنت زيكم يائسه بس الحمد لله شفاني اهم شي تكون ارادتكم من حديد لاتخلو العاده تسيطر عليكم انتو سيطرو عليها وسبب تركي النتف هو نفس كلام الغاليه لاتستفز الجرح والله يابنات انها صادقه جربو مانتم خسرانين شى انا كنت احلف بالله مانتف لمدة شهر واذا نتفت لازم اكفر عن يميني وارجع احلف وكل مره اذا انتهى الشهر ازيد المده مثلا لبعد العيد وكذا حتى نسيت النتف والله ماتذكرته الا لما قريت الموضوع الله اللي شفاني يشفيكم وجربو الليله العلاج بلا حبوب بالا اطبا ترون مافينا ال العافيه وتقبلو تحياتي