"اللي تهمل زوجها و مقصره معه.. بيعرس عليها"

مساء الخير


بنات زوجي رجع من الاستراحة
ويقولي ان خويه تزوج الثانية وانه ماااتوقعناه منه ومدري كيف بس ماتزوج الا لان زوجته مهملته و مقصره معه!
ثم قال لي كلمة وابيك تسمعينها،، ((ترى الرجال مايفكر بالعرس الا اذا زوجته مقصره و مهملته!!))! قالها لي بنبرة عتاب و كانه قاصدني!!
و هاليومين زعلان مني و يدور علي ادنى زلة!! لدرجة امس قوم الدنيا بالبيت بسبب ان الغداء ماالح!! وانا وربي مزينته و متقصية فيه و مسويته حركات نفس الفنادق!! واخرتها يسب و يصااااارخ و قام طلع وخلى الاكل!
و هو يعتبر ان هذا اهمال مني ان الاكل طالع مالح!


يبي يجمع اتفه مواقف صارت و يحطها بقائمة اهمالي له!! عشان يهددني بعرس الثانية!!!! هذا اللي استوحيته منه هاليومين و صاير ينام بالصالة كنه عزوبي بحجة مايبي المكيف
يابنات وش مفهموم اهمال الزوجة لزوجها بنظركم!
ملابسه .. دايم جاهزة و نظيفة
اكله... اجهزه له متى مابغى
ودايم يدخل البيت نظيف و ريحته بخور
حقه الخاص ماني مقصره معه الحمدلله و احيان تعبانة وهلكانة من الشغل و الكرف واغصب نفسي و اجامل علشانه!
مدري وش يبي بالضبط!


كل وحدة تقول اللي عندها و تنورني الله ينور عليكم دنيا واخرة بهالايام الفضيلة