اللي تهمها النظافه والعنايه لاتولد في مستشفى...!!!

السلام عليكم
يشهد الله على ما أقول
ومن حرتي كتبت هل موضوع
ياحسافة الفلوس اللي أندفعت بس
عموما
زبدة الموضوع
خدمه سئيه جدا
حتى مستشفيات الحكومه أصرف منهم
والله أني ولدت ولادتين في مدينة الملك فيهد الطبيه في الرياض
ولقيت عناية وأهتمام أحسن منهم
أنا أتكلم في هل موضوع
عن مستشفى المواساة بالدمام

المهم
الخلل طبعا في الإداره
أول شيء
لما تدقين تستفسرين عن السعر
واحد يقولك 4000 طبيعيه
وواحد يقول 4500
وواحد يقول 4000 وشوي
يعني مافيه دقه في السعر
عشان بعدين يبهدلونك وماتعرفين راسك من رجولك
"
"
ثاني شيئ
دخلت غرفة العمليات
فيها ممرضتين ودكتوره
والله في المدينه الطبيه من 4 إلى 6 ممرضات
وحده بس على الجهاز ماتتحرك من عندي
ووحده تستنى البيبي وتجهز له
ووحده واقفه عندي من تحت
ووحده تساعدها
ومن أدخل الغرفه أو المستشفى بمعنى أصح
يشيلون فيني ويحطون فيني
وطاقم العمل فلبيني
أما المواساة
طاقم العمل هندي
وتخيلي
ماشالوني ولا حتى مسكوا أيدي
يلله قومي تعالي على السرير

يلله أرفعي وسطك عشان يحطون الجهاز على بطني
أو أرفعي وسطك عشان يغيرون الحفاضه من تحتي وأنتوا بكرامه
وأرفعي رجولك عشان يحطونها على أيد السرير
وأنا أتألم من شدة الطلق

ويوم قاست الدكتوره قالت لي 9 سم
ولا رحموني بعد الله لا يرحمهم
الشهاده لله الدكتوره طيبه

والمصيبه
وأنا ولد أطالع بالحبال اللي موجوده على السرير ""اللي يربطون فيها الرجل""
لونها مبقع ومسود
بعد ماولدت أسألها وشوا هذا؟؟
أنتوا ليه ماتنظفون؟؟
تقولي هذا ماهو دم!!!!!
كيف ماهو دم؟؟؟؟؟وأنا أشوف الممرضه تساعد الدكتوره
وتحط أيدها عشان تربط رجولي عليه"طبعا هي لابسه قفازات
وقفازاتها وصخه وتمسك الحزام
قسما بالله كنت أدعي ربي أنه مايجيني من وراهم شي
المهم ولدنا الحمد لله وربي يسرها
"
"
"
يوم ولدت
أشوف الغرفه
الا هي صايره زريبه بعد ماكانت نظيفه
الممرضه تفتح الدرج تاخذ شيء ماتسكر الدولاد
تفتح صنبور الماي وتخليه مفتوح ماتسكره ..قمة الأزعاج
أسطوانه الأكسجين مفتوحه نص ساعه ماسكرتها
الأرض كلها أوراق وزبايل مرميه يمين ويسار
ويوم أسأل الممرضه ليه كذا؟؟؟
تقول عمال النظافه رجال ومايدخلون الا لما تطلع اللي بالغرفه
طيب ليه مافيه حريم؟؟؟؟؟
مايبون الحريم ينظفون هنا!!!ينقرفون
يااااااسلام
وعمال النظافه من الفلبين
ورئيسهم حسب ما أستقصيت فلبيني
فمفضلهم على العاملات السعوديات
"
شرايكم بالعنصريه؟؟؟؟؟؟؟؟
والله في المدينه الطبيه
ماشوف شيئ على الأرض
الممرضه تاخذ شيء وترجعه مكانه
ترتيب ونظافه وعنايه
الله يقوي حكومتنا يارب
"
المهم كل شوي أهون على نفسي
أقول يمكن بعدين يكون الوضع أحسن
"
"
الغرفه اللي حطوني فيها مضلمه وكتمه مايدخلها النور
وصغيره وحمامها بابه خربان إذا سكرته ماينفتح الا بقفل
والسيفون يهدر 24 ساعه
أسكر باب الحمام عشان أرتاح منه وأنام
وإذا سكرته مانفتح
عاملات النظافه المفروض حسب تعاميم المستشفى ينظفون مرتين في اليوم
وهم مايجون الا مره وحده
حتى مناديل الحمام ماتحطها في المكان المخصص لها
راميتها لي على المغسله
تخيلوا وحده والد
أكيد راح تنزف دم
المفروض كل شوي ينظفون
أخ بس
الله يخليك يامدينة الملك فهد الطبيه
نسيت أقولكم
ماكلفوا على نفسهم وأعطوني حفاضه نسائيه وكلوت
تدرون شحاطين لي؟؟؟؟؟؟؟
شفتوا الحفاظات الكبيره اللي تنحط على الأسره؟؟؟
لافينها لي وحاطينها
شرايكم؟؟؟؟؟؟؟؟؟؟؟؟؟؟؟؟
والله المدينه مع انها مجانيه الا أن عندهم حفايظ وكلوتات نسائيه
"
"

لا وأول يوم بعد الولاده عطوني وجبه فطور
فلافل
واليوم الثاني فول
شرايكم
يعني بطني أمتلى غازات
يعني أخصائي تغذيه ماعندهم؟؟؟؟؟؟؟؟؟
المفروض يسألونه وشو الأكل المناسب لبعد الولاده
"
غير كذا
كل شوي أشم فيني ريحه
أروح اتروش وأرجع
ياربي الريحه ماهي راضيه تروح
حسبي الله عليهم
أتاريها من ريحة المفرش
حسبي الله عليهم
ششككوني في نفسي

من جد ضاق صدري
وماقدرت أكمل يومين عندهم
قلت لزوجي سو لي خروج ماني قادره أنام
ويوم طلب خصم مارضوا
قام شرشحهم
وما أدري هل نفع معهم ولا لأ
الله لا يعودها من ولاده
"
والله يابنات كانت أختي مصوره غرفة الولاده
بس الله يهديها حذفتهم
ولا كان حطيتها لكم بالصور
"
نصيحه لوجه الله
هذيلي ماهمهم الا الماده
ماهمهم سمعتهم
والشركات طايحه فيهم تربحهم
حسبي الله عليهم ونعم الوكيل
كل شيء ينسكت عنه الا النظافه
أيش تتوقعون من رئيس فلبيني يعني؟؟؟؟؟؟

وربي يشهد على كل كلمه قلتها