hanadi2020 :

كان عندي تأمين بوبا عائلي جدا جدا ممتاز هو تقريبا افضل شركه جربناها مميزاته ماتدفعي باليوم اكثر من 100 ريال الميه تشمل (كشفيه واشعه وتحاليل وصيدلية) . الموافقه تجيك سريعه و لمن تتصلي عليهم تجاوبهم سريع مع العميل في حالة كنتي مستعجله . وفي حالة رفع الطلب والرفض او القبول لطلب الموافقه توصلك رسالة على جوالك .. يعني كل شي يكون عندك علم عنه . مو مثل التعاونية وغيرها ماتدرين عن شي لازم كل شوي تتصلين تشوفين وصلهم طلب ولا لا المستشفى يقول رفعنا الطلب ولمن تتصلي يقولوا ماوصلنا شي وتضيعين بينهم ساعتين اقل شي . نقطه جدااااااا مهمه كل وحده راح تقول لك والله شركة التعاونية ولا بوبا ولا غيرها روعه وتشمل كل حاجه ومره مرتاحه معها ويطلع تأمينها تابع لشركة .. التأمين التابع لشركة يختلف عن التأمين العائلي التأمين العائلي في اشياء مايشملها زي الشركات .. تأمين الشركات افضل بكثير من تأمين العائلي بشركة بوبا يوم اخذنا تأمين ماكنت حامل وكان شرطهم انه مايشمل تكاليف الحمل الا بعد مرور 9 اشهر من استخراج التأمين .. فا انتي لازم تخبريهم انك تبغين تأمين يشمل الحمل والولادة وطبعا راح يزودوا عليك دبل السعر . تأمين الشركات من يوم تستلمين البطاقه يشمل كل شي يخص الحمل . حتى لمن تدقين على التأمين الصحي وتطالبي بحق لك عند شركة التأمين ماينصفونك ليش لانه تأمينك عائلي يقول لك والله نحنا بس نساعد تأمين الشركات وليس الافراد . سبحان الله ربي كتب لي الحمل بعد مااسوينا التأمين ب3 اسابيع وللاسف مااستفدت منه ابدا الا وقت الولادة لانه بالشهر الي ولدت فيه صار مسمووح استفيد من التأمين ولدت بمستشفى سليمان الحبيب قيصري ودفعنا الفرق ايضاً نقطه مهمه ثانيه لك ميزانية محدده للحمل مثلا لك 11 الف فقط يشمل تحاليلك اثناء الحمل مع تكاليف الولادة اي شي يزيد انتي تدفعين الباقي (فا تضطرين احيانا توفري المبلغ الين الولادة والاشعه والتحاليل تخليها عليك ). ضروري قبل ماتأمنين تسألينهم كم الليميتد Limited حقي بنسبه لمتابعه الحمل وتكاليف الولادة ويكون عندك علم سابق بقيمة التكاليف الولادة الطبيعيه او القيصري بالمستشفى الي حابه تولدين فيه او يكون عندك استعداد تدفعين باقي قيمة الولادة بعض تأمين الشركات ماتدفعين الا مبلغ بسييط لانه يشمل كل شي وكمان على حسب الفئة الي تختارينها .. زي مستشفى الحبيب ودلة مايقبل الا الذهبية زي التخصصي والمملكة وو غيرها يقبل الفضية وهكذا نصيحة يوم تختارين الفئة اسألي عن المستشفيات الي متاح لك تتعالجي فيها وعلى اساسها تختارين الفئة الي تناسبك اسألي اسألي عن كل شي قبل لا تسوون التأمين ابحثي بالنت خذي معلومات وشوفي هو يناسب وضعكم ولا لا من الناحية الصحية زي .. زوجي سوا عملية سباقه وما كتبها بالتقرير الي ارسلناه لهم الجرح التأم والحمدلله ماتوقعنا انه بيجي يوم ويتعب الجرح وينفتح وقدر الله انه يتعب وينفتح الجرح وصارت مشكله كبيره ولمن طلب الدكتور عمليه عاجله رفضت شركة التأمين بحجه انه مااعطنا خبر في تقرير عن حالة الصحية السابقه وقت استخراج التأمين كانت ورطه كبيره الحمدلله على كل حال واحيانا اذا قلتي لهم عندي المرض الفلاني ولا شي دبلوا عليك السعر يعني بكل الاحوال ظلم غير طبيعي غصب يسرقونك . اسألي عن حضانة الطفل بعد الولادة يشملها التأمين ولا لا شركة بوبا تشمل لكن شركة التعاونية للأسف ماتشمل والمبلغ الي تدفعينه بشركة التأمين التعاونية اكبر من بوبا سوا في الولادة الطبيعية او القيصري تأمين التعاونية شركات يشمل حضانه الطفل لكن العائلي لا بوبا ترسل لك الشروط بالفيدكس حاولوا تقرونها كووويس قبل لا يروح الموظف الي يوصلها لكم لانه مجرد توقيع على استلم الطرد يعتبرونها موافقه منكم على شروطهم المشكله انه الشروط بكتيب يعني مايمديك تقرينه بسرعه بس هذا الشي صارضدنا يوم جينا نطالب بحقوقنا قالوا طالما انه وقع على استلام الطرد معناته انكم وافقتم على شروطنا ومالكم الحق بالمطالبه لانه كان مكتوب استخيري الله بالشركة قبل ماتسوو التأمين انتي كمان تأكدي اسألي حتى عن الاشياء الي اعطيتك عنها معلومات لانه تأميني بشركة بوبا كان قبل سنتين فا احتمال يكون تغير شروطه تغيرت ميزاتهم وماتقولين كذبت عليك او شي يارب اكون افدتك .. بالتوفيق

كان عندي تأمين بوبا عائلي جدا جدا ممتاز هو تقريبا افضل شركه جربناها مميزاته ماتدفعي باليوم اكثر...