اللي توها والده او قربت تولد.....تقلط حياها الله

بنات اللي توها والده او في التاسع حول الولاده
تعلمنا وش سوت في موضوع الحلا والشاهي
الصراحه سهل مره تروحين لاي محل وتطلبين صواني حلا سواء من باتشي او جوي او موالح من لافندر
بس الصواني ترفع السعر مره عشان كذا ودنا بمحلات نشتري منها الصواني ونعبيها ارخص
وكمان بغيت اسأل لين الحين والناس هابه في الصواني المقسمه ولا اخترعت لها موضه جديده
تراي ما اطلع ولا اعرف وش الفاشن الحين والدارج
تكفون البنات اللي يعرفون الموضه والسنع ....علمونا
وهل فيه صبابات يجون معهم معاميلهم ويرحونا من نقل المعاميل والعفش والترامس
اذا فيه ياليت تعلمونا عنهن
والله اني ما احب التكلف بس خير الامور الوسط ودي احط شي حلو وراقي بدون ما ارهق ميزانيتي خاصه ان فيه اشياء اهم
والان شتا والبيبي والام محتاجين خلاقين وملابس واجد
مانقول الا الله يرزقنا هون الطلق وحسن الخلق ويجعل ما ارحامنا اطفال اصحاء سليمين معافيين ويظهرهم في الاسلام ويعينا على تربيتهم ويرزقنا برهم ويخليهم لنا ولا يفجعنا عليهم
ءامييييييييييييييييييييييييييييييييييييييييييييييين
وش بعد ياربي؟؟؟؟
ايه وبسأل بعد كتيب الورد حق الولاده في اي مكتبه القاه درت عليه ما لقيته