اللي جابت اولادها ورا بعض وقدرت تضبط امورها تلحقني لاني قربت انجن

السلام عليكم ورحمة الله وبركاته
وكل عام وانتم بالف خير
ورمضان كريم عالجميع
اتمنى من الحلوات اللي مرو بنفس وضعي يساعدوني
قصتي باختصار اني متزوجة ومغتربة عندي 5اطفال
2كبار عشر سنوات و8ونص و3صغار
سنتين و5شهور وسنة وشهرين وطفلة صغيرة عمرها شهرين
وماني قادرة اضبط بيتي
انظف من هنا يتوسخ من هنا
وزوجي دايما يشكي ويسمعني كلام ليش البيت مو مرتب وليه وليه وليه.....
وانا طول اليوم اشتغل ومو ملحقة
والاطفال الكبار ما يساعدوني الا بالصراخ واعيط فيهم
وابوهم دايم يلومني يقول لاني ما اطقهم ما يساعدوني ولا يسمعون كلامي
ودايم يقول ليه انتي الوحيدة اللي خلفت اطفال ورا بعضهم كثير نساء خلفو اولاد ورا بعضهم وبيوتهم تشع نظافة لذلك اتمنى من اي اخت مرة بظروف مثل ظروفي تساعدني حتى اقدر اضبط اموري لاني تعببببببببببببببببببببببببببببببببت كثير كثير وماعاد عندي قدرة اتحمل هالوضع حتى اني صرت اتمنى اموت واخلص من هالوضع
سامحوني اذا طولت عليكم بس مالي غيركم بعد الله واكيد اللي عندها شي يقدر يفيدني ما رح تبخل فيه لانكن كريمات وصاحبات نخوة وهذا عشمي فيكم ومتاكدة ما حتخجلوني