اللي جابت ولد بعد البنت واللي تحمل بأولاد تدخل ( ضروري)

السلام عليكم ورحمة الله وبركاته ..
كلنا نعرف انو انجاب الذكور والاناث بقدرة الله عز وجل .. ولكن مافي شي يمنعنا عن أخذ الأسباب وبعدها التوكل على الله
والمجتمع العربي معروف بالتفاخر بالذكور وهذا محد ينكره والتقليل من شأن الانثى .. لو بشرونا بأن فلانة جابت ولد تبدأ الالسنه تهلل ماشاءالله تبارك الله وكأنها جابت كنز من الكنوز النادرة
ولما يقولون فلانة جابت انثى يسكتون ..طبعا اللي عندها اكثر من بنت ماراح يسكتون بتكون محل شفقة ورحمة ويحزنون عليها وتصير فرحة وشماتة للأعداء ..
انا عندي بنوتة وحده أحبها واموت فيهااا في فرحتي الأولى .. وأتمنى اذا حملت مرة ثانية باذن الله يكون الجنين أخ لها وهذا الموضوع مأزمني ..
أم زوجي غاثتني بحياتي وترمي كلام علينا عن طريق غير مباشر وكأن عندي 10 بنات غير بنتي .. والله حسيبها وماراح اسامحها على كل كلمة جارحة ..
سلفتي عندها ولدين وجابت الولد الثالث والكل طاير فيها وحاطينها على روسهم .. يحبونها, يحترمونها , يقدرونها والسبب انها أم اولاد ..
بالرغم ان عقلها صغير جدا جدا وجاهلة (غير متعلمة ) وشخصيتها مستفزة .. بالرغم من عيوبها وقلة ادبها يحترمونها ,,, وش السبب ؟ عشانها أم الاولاد ..
حتى زوجها طاير فيها بالرغم انها كبر الكنبة عشان ايش ؟ جابت له أولاد ...
خالتي ام زوجي وبناتها كبروا قلبي عليها اكثر واكثر .. كل ماشافتني أم زوجي تقولي خليها تعلمك كيف جابت الاولاد بضحكة !!!! ودي تنشق الارض وتبلعني اذا استفزتني بهالموضوع
صرت ماحب اشوفهم وقللت روحاتي لهم بسبب هالموضوع ... صرت حاقدة عليهم غصب عني واتحيسب عليهم كلهم طول الوقت .. كرهوني بالخلفة وجابو لي الهم ..
بعد المقدمة هذي الطويلة اتمنى من كل اخت خططتوجابت الولد تذكر لنا الطرق ؟؟ واللي جابت أولاد برضو تعلمنا وتساعدنا عن طريق الاجابة على هذه الاسئلة :
ماهو نظامك الغذائي ؟ وماهو الطعام اللذي لاتحبينه وتبتعدين عنه ؟
كم مره يجامعك زوجك بعد الدورة ؟ وهل الجماع يكون قبل التبويض او بعد التبويض ؟ ( يقولون اللي تبي تجيب ولد يجامعها زوجها مره وحده فقط يوم التبويض عشان يحتفظ بمخزون كافي من السائل المنوي )؟ <==== هل الكلام صحيح ؟ ومعقولة كل اللي جابوا اولاد ازواجهم جوا لهم مره وحده !!!!!
لو الجماع حدث بعد الدورة مباشرة بشرط الانزال خارج الرحم واستمر الى يوم التبويض وتم الانزال في يوم التبويض.. هل عملية الانزال الخارجي تأثر على مخزون السائل المنوي؟
هل يفضل الامتناع عن الانزال الخارجي والقيام بالعملية الجنسية في يوم التبويض فقط؟
هل استعملتي غسول بيكربونات الصوديوم ؟ وماهي طريقة استعماله ؟


ملاحظة اخيرة : اذا عندك أي معلومة أو طريقة لأنجاب الذكر بليز لاتبخلي علينا واتمنى ذكر ادق التفاصيل لاتباعها .. والله يوفق ويسهل على كل وحدة بتساعدنا ويسخر لها زوجها ويسعدها دنيا وآخره ويرزقها ربي من حيث لاتحتسب