السلام عليكم ورحمة الله وبركاته
شكرا لدخولكم موضوعي
خابرتكم يا بنات حواء راعيات فزعه
واكيد ماراح تكسفوني في استفساري
حبيت استفسر اذا اي وحده فيكم جربت اخصائية التغذيه اللي في رياض الهجن ؟؟ والله ما عرف اسمها بس سمعت عنها انها مره كويسه00
اللي جربت ارجو انها ماتبخل علي بالمعلومات اللي عندها
يعني وش نظامها ؟
وكم نقصت؟
وكم المده؟
وبكم قيمة الكشفيه والنظام؟
اسفه على الاطاله 00
ولكم كل شكري وامتناني
اختكم
هواجس ناعمه:26: :26:
هواجس ناعمه @hoags_naaamh
محررة فضية
يلزم عليك تسجيل الدخول أولًا لكتابة تعليق.
الله يسامحكم ولا وحده دخلت وقرت الموضوع والله مو هذا العشم فيكم يعني لازم الواحد يزعل علشان تردون عليه:(الله يسامحكم ولا وحده دخلت وقرت الموضوع والله مو هذا العشم فيكم يعني لازم الواحد يزعل علشان...
اسمها رندا
مصريه
نظامها يعتمد على السعرات ، تلعب في السعرات يعني مره 700 سعره ومره 500 وبعدين تزيدها 600 وهكذا ..
نقصت معها بأول شهر 7 كيلو
والشهر الثاني 6 كيلو
طبعا يعتمد على جسم كل وحده والجهد اللي تبذله
وممكن تركبين ابر صينيه عندهم ، يساعد في سد الشهيه
بالنسه للسعر لأول مره 300 ريال ، 200ريال اشتراك بالشهر و 100 ريال فتح ملف
والمره الثانيه بيكون 200 اشتراك بالشهر
والأبر الصينيه نفس الشي 300اول مره وبعدين 200
طبعا عيادتها مررررررره زحمه والمواعيد ما تلقين بسرعه
واحسن وقت بالصباح ما تكون ذيك الزحمة وووسط الأسبوع احسن بعد
تجين بدري تدخلين بدري عندها
والمراجعه كل أسبوع
تسألك وش تحين أكل عشان تحطه لك في البرنامج عشان ما تأكلين شي ما تحبينه
واذا نقصي أكثر من 2 في الأسبوع تعطيك يوم مفتوح في الأسبوع .
أتمنى اني ما نسيت شي ماقلته
واذا عندك سؤال انا حاضره ياالغاليه
بالتوفيق
احب اظيف على كلام الاخت miss smilie تجارب بنات اعرفهم مره
الاولي نزلت تقريبا 20 كيلو في 4 شهور بس مع سباحه
الثانيه نزلت من 98 الي 50 في سنه
و كلهم يمدحوها
الاولي نزلت تقريبا 20 كيلو في 4 شهور بس مع سباحه
الثانيه نزلت من 98 الي 50 في سنه
و كلهم يمدحوها
الصفحة الأخيرة
والله مو هذا العشم فيكم
يعني لازم الواحد يزعل علشان تردون عليه:(