اللي جربت اشعه الصبغه تدخل ضروري

اختي هي صح مؤلمة شوي لكن والله ترتاحي بعدها تطمني اكثر وهي بالاكثر تشد نصف ساعة او اقل شويوان شاءلله ربي يطمن بالك يا رب

وانا كمان نفسي أسويها وبنفس الوقت مو خايفه من الالم قد النتيجه لان من الاساس عندي أنبوب مقفل وواحد مفتوح وانا مسويه قيصري من سنتين ولاحملت وخايفه انه مسدود😭

السلام عليكم انا مسويتها مرتين والالم محتمل كانه مغص دوره بس ع اقوى شوي واهم شي تكوني مرتخيه وريلاكس عشان لاتتوجعي وكلها ربع ساعه وينتهي الموضوع..وسمعت بعضهم ياخذوا بنادول قبل لايسووها عشان يخف الالم بس الله اعلم ماقد جربته واشوف ماله داعي..
توكلي على الله وقوي قلبك..

اختي هي تعور لو كان في انسداد او شديتي انا لما سويتها اول مره حسيت نفس الم الدورة لحظات بس اختي ﻻنها شدت المها حيل وبين انه عندها انسداد لما سوو لها منظار طلع مافيها شي ..
بس انا انصح تاخذين لها بنج ﻻن ﻻسمح الله لو كان في انسداد بسيط يقدرون يفتحون باعادتها بنفس اللحظه انا كذا سويت لما عدتها بالثانيه والثالثه والرابعه الله ياجرني صرت فار تجارب

وعليكم السلام اختي
بصراحه انا عملت اشعه صبغه
وكنت 4سنوات ونص بس خايفه وكل مره اجلها لانو قريت انها مؤلمه بعدين فكرت انو نحن نبغي هذا العلاج للحمل والم الولاده نسيناه ؟يعني لازم تتوقعي اي الم وتقارنيه لما تشوفي الناس كيف بتوصف الم الولاده ويارب يجعلنا منهم ويرزقنا بالذريه الصالحه
فقررت وعلى طول اخذت موعد وكنت خايفه لدرجه انو صليت استخاره ولما رحت لهم اعطوني لبس عمليات وافضي المثانه بالكامل خلاص هنا خفففت وصارت دقات قلبي قويه اول مره بجرب اشعه صبغه ومن دون بنج واعطوني دوا اخذه قبل ما اروح بساعه واخذته بس كنت اشرب ماي كثير واكنت افكر لو فيني امساك راح تالمني وفجاه قالو لي الاله صار فيها عطل قمت ادعي واقول الحمدلله خيره واكيد مؤلمه هههههههه قلت هذي صلاه الاستخاره واكيد انمنعت عني وانها مو خير علي وقالو لي انتظر وبعد ساعه ونص خبروني انو صلحو العطل ههههههههههه صرت ادعي ونفس المجنونه ونوموني على السرير وقالو لي استرخي ولاتشدي على نفسك وخمس دقايق قالو انتهينا والله الم بسيط جدا جدا محتمل يعني توقعت انو الم مبرح وندمت ليه ماعملتها بدري نصيحه مني لك اعمليها وتوكلي لخاطر شوفه الضنا كل شي بيهووون