اللي جربت الرجعة بعد الطلاق تدخل لو سمحتوا

السلام عليكم وكل عام وانتم بخير
انا متزوجة لي سنتين تقريبا وعندي بنت لكن حياتي مع زوجي فيها مشاكل مثل كل بيت... وزوجي فيه عيوب كثيره ياما وعدني يغيرها ويلتزم فتره بعدين يرجع لعاداته وللتدخين والعصبيه واللسان الطويل وووو... لكن صارت بيني وبينه مشكلة تافهه من 10 ايام وقال لي انتي طالق!!! وانا ماكنت متوقعه انه ممكن بيوم يقولها لانه يحبني ودايما يقول ما اقدر ابعد عنك!!!

انا زعلت ورحت بيت اهلي وهو حاول يتصل علي ويرسل مليون رساله اعتذار.. كلم ابوي وكلم اخوي وكلم امي... وانا سحبت عليه وقلت له خلاص انتهينااااا ((مع اني كنت مفجوووعه وميته قهر))...... لكن هو اصر وطلب اني اعطيه فرصه ثانيه عشاني وعشان بنته وعشان رمضان مايدخل علينا كذا..... وانا قلت لنفسي يابنت صبرتي سنتين مايضر تصبرين كم شهر ونشوف اذا صادق هالمره او لا.....

المشكلة اني المفروض هاليومين ارجع بيتي لكن ما ادري ارجع بأي نفسيه؟؟........ يعني ارمي اللي فات ولا كأن صار شي؟؟؟ او اصير جافه معه حتى يتأدب؟؟؟ لاني والله نفررررت منه.... الطلاق يابنات مو شي بسيط ابداااااا الله لا يذوقكم اياه...
وانا فقدت الشعور بالامان معه بعد ماقال هالكلمه..... احس اني لا احبه ولا اكرهه كأنه انسان غريب ماعشت معه.... حتى اهلي شالوا عليه مرررره..... ما ادري ممكن ترجع الحياة زي ماكانت قبل الطلاق او لا........